صفائی نصف ایمان ہے اور ہر صورت میں صفائی کا خاص خیال رکھنا بھی ضروری ہوتا ہے۔

لیکن اس دنیا میں کچھ لوگ ایسے بھی پائے جاتے ہیں جو کہ صفائی کو لے کر ایک دیوانے کی طرح برتاؤ کرتے ہیں اور اتنے نفاست پسند لوگوں پر صفائی کا بھوت سوار رہتا ہے۔

ایسے لوگوں کو ہر چیز میں صفائی ستھرائی چاہیئے ہوتی ہے اسی وجہ سے وہ اپنے آس پاس لوگوں کا موجود رہنا بھی پسند نہیں کرتے ہیں۔

ایسا ہی کچھ ہوا ہے امریکہ میں ، جہاں ایک امریکی خاتون ہفتے میں ایک مرتبہ جراثیم لگ جانے کے ڈر سے ایک گھنٹے کے لئے سپر مارکیٹ کو کرائے پر لیتی ہیں۔

اس عورت کا نام ایما ہے جو کہ کورونا وباء کے پھیلاؤ کے بعد بہت محتاط ہوگئیں ہیں اور بازار جانے سے بھی گریز کرتی ہیں لیکن چیزوں کی ضرورت تو پڑتی ہی ہے اس لئے وہ سپر اسٹور کو ہی کرائے پر لے کر اطمینان کے ساتھ شاپنگ کرتی ہیں۔

اس حوالے سے ایما نے بتایا ہے کہ انہیں اور ان کے شوہر کو لگتا ہے کہ اطراف میں لوگوں کی موجودگی سے وہ بیمار ہوسکتے ہیں ۔

ایما نے بتایا ہے کہ وہ سپر مارکیٹ کے کرائے کے علاوہ بھی کچھ پیسے ادا کرتی ہیں تاکہ صفائی کا خاص خیال رکھا جاسکے۔

خیال رہے کہ ایما نے بچپن میں اپنی خوش نصیبی کے باعث ایک بڑی لوٹری جیتی تھی جس کی وجہ سے وہ سپر اسٹور کو گھنٹے کے حساب سے کرایہ باآسانی ادا کردیتی ہیں۔