اس وقت دنیا میں سال 2023 ہے مگر ایک ملک ایسا بھی ہے جہاں اس وقت سال 2015 چل رہا ہے۔

افریقی ملک ایتھوپیا میں اس وقت 2015 چل رہا ہے۔آئیے آپ کو اس حوالے سے دلچسپ حقائق بتاتے ہیں۔

ایتھوپیا میں اس وقت سال 2015؟ لیکن کیوں

اس ملک میں کیلنڈر مختلف ہونے کی وجہ سے ایسا ہے جب 500 عیسوی میں کیتھولک چرچ نے کیلنڈر میں تبدیلیاں کیں تو ایتھوپیا کے آرتھو ڈوکس چرچ نے اسے ماننے سے انکار کر دیا۔

حضرت عیسیٰ علیہ السّلام کی پیدائش کا سال عیسوی کیلنڈر کے آغاز کا سال تصور کیا جاتا ہے اور اسی میں کیتھولک چرچ نے تبدیلی کی تھی۔

ایتھوپیا میں نیا سال کا آغاز بھی یکم جنوری کی بجائے 11 ستمبر کو ہوتا ہے، البتہ لیپ ائیر میں 12 ستمبر سے نیا سال شروع ہوتا ہے۔

 یہ بھی پڑھیں: ایشیا اور یورپ کو ملانے والا دنیا کا طویل ترین پُل تعمیر

یہاں 12 مہینے 30 کے ہوتے ہیں جبکہ 13 واں مہینہ (جو سال کا آخری مہینہ ہوتا ہے) 5 یا 6 دن کا ہوتا ہے، جس کا انحصار لیپ ایئر پر ہوتا ہے۔

یہاں وقت کا حساب بھی مختلف ہے اور دنیا کے دیگر ممالک کے معیاری وقت کے مطابق اگر دوپہر 12 بجے شروع ہوتی ہے تو ایتھوپیا میں ایسا 6 بجے ہوتا ہے۔

اسی طرح نئے دن کا آغاز رات 12 بجے کی بجائے 6 بجے ہوتا ہے۔

یہ بھی پڑھیں: فیس بک، انسٹا سے فحش تصاویر اور ویڈیوز ہٹانے والا ٹول متعارف

یہاں 21 ویں صدی کا آغاز بھی باقی دنیا کے 7 سال بعد یعنی 11 ستمبر 2007 میں ہوا تھا۔

ایتھوپیا کے شہری تو اس قدیم کیلنڈر پر عمل کرتے ہیں مگر سیاحوں کو تاریخوں میں فرق کی وجہ سے مشکلات کا سامنا نہیں ہوتا۔

ایتھوپیا کے بیشتر شہری باقی دنیا میں رائج کیلنڈر سے واقف ہیں اور اکثر تو دونوں کیلنڈرز کو بیک وقت استعمال بھی کرتے ہیں۔