’بیوہ بطخ‘ کیلئے نئے جیون ساتھی کا اشتہار کارآمد ثابت ہوا

ویب ڈیسک

17th Mar, 2023. 02:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

’بیوہ بطخ‘ کیلئے نئے جیون ساتھی کا اشتہار کارآمد ثابت ہوا

امریکا میں ایک اکیلے پن کا شکار ’بیوہ بطخ‘ کے لیے نئے جیون ساتھی کا اشتہار کارآمد ثابت ہوا اور اب وہ تنہا نہیں رہی۔

انڈیانا ڈیون نامی پارک میں 26 دسمبر 2022 میں بلوسم نامی اس بطخ کو اپنے گھونسلے کے پاس تنہا دیکھا گیا تھا۔ انڈیانا فطری وسائل کے محکمے نے اس کی بعض تصاویر لیں اور اس کا اشتہار تیار کروایا۔

عملے کے مطابق اگست 2022 کو بلوسم کا جوڑا ’بڈ‘ ایک جانور کے حملے میں مارا گیا تھا۔ اس کےبعد وہ اداس اور گم سم رہنے لگی تھی۔

ایک تصویر میں وہ قبر کے مرمریں کتبے میں اپنا عکس دیکھ رہی ہے اور گویا خود کو تنہا محسوس کررہی ہے۔

اشتہار کے تین روز بعد جنگلی حیات کے افسران نے اس کےلیے ایک نربطخ ڈھونڈ نکالا جسے وہ قبول کرچکی ہے۔ اب یہ جوڑا مسرور زندگی گزاررہا ہے۔

دلچسپ بات یہ ہے کہ اس کا نیا جیون ساتھی ’فرینکی‘ ایک تنہا نربطخ ہے جس کی مادہ مرچکی ہے۔