کون بنے گا کرکٹ کا نیا عالمی چیمپئن ،فیصلہ آج ہوگا،ورلڈ کپ 2019کا فائنل معرکہ  لارڈ کے میدان میں کھیلا جائے گا ،انگلینڈ اور نیوزی لینڈ  دونوں پہلی بار عالمی کرکٹ پر حکمرانی کا خواب سچ کرنے کیلئے مد مقابل آئیں گے۔ 

ایک طرف ایونٹ کی فیورٹ ٹیم انگلینڈ ہے تو دوسری جانب مضبوط بولنگ اٹیک کی حامل نیوزی لینڈ ہے، دونوں ٹیمیں پہلی بار ورلڈ کا اعزاز اپنے نام کرنے کے لیے پُرعزم ہیں۔

ورلڈ کپ کی فیورٹ ٹیم اور میزبان انگلینڈ چوتھی مرتبہ ورلڈ کپ کا فائنل کھیلے گی۔انگلش ٹیم  1992 کے بعد اب  فائنل تک رسائی حاصل کرنے میں کامیاب ہوئی ہے۔جبکہ نیوزی لینڈ کی ٹیم مسلسل دوسری بار فائنل تک پہنچنے میں کامیاب ہوئی ہے۔ سال 2015 کے ورلڈ کپ فائنل میں کیویز کو آسٹریلیا کے ہاتھوں شکست ہوئی تھی۔

لارڈز کے تاریخی میدان میں ہو نے والا یہ میچ پاکستانی وقت کے مطابق دوپہر ڈھائی بجے شروع ہوگا۔