ورلڈکپ 2019 کے راؤنڈ میچز اختتام پذیر ہوگئے، ورلڈکپ کا پہلا سیمی فائنل سابق دفاعی چیمپئن بھارت اور نیوزی لینڈ کی ٹیموں کے مابین 9  جولائی کو انگلینڈ کے اولڈ ٹریفورڈ اسٹیڈیم  میں کھیلا جائے گا ۔

تفصیلات کے مطابق  راؤنڈ میچز کے اختتام پر پوائنٹس ٹیبل پر بھارت پہلے ، آسٹریلیا دوسرے، انگلینڈ تیسرے اور نیوزی لینڈ کی ٹیم چوتھے نمبر پر ہے۔

آئی سی سی کے قانون کے تحت پہلا سیمی فائنل پہلی اور چوتھی پوزیشن والی ٹیموں کے درمیان کھیلا جائے گا جبکہ دوسرا سیمی فائنل دوسری اور تیسری پوزیشن والی ٹیموں کے درمیان  ہوگا۔

کرکٹ کےعالمی میلے میں دونوں ٹیمیں سات بارآمنےسامنے آئیں جن میں سے چارمیں کیویزجبکہ تین میں بھارت کامیاب ہوا ،اس اعدادو شمار کے مطا بق ورلڈکپ میچز میں نیوزی لینڈ کابھارت پرپلڑابھاری ہے۔

 اب دیکھنا یہ ہے کہ کل کے سیمی فا ئنل ٹا کرے میں کون فتح یاب ہو کر فا ئنل میں پہنچ پا تاہے۔