قومی کرکٹ ٹیم میں 4 سالہ منصوبہ بندی کی جائیگی، احسان مانی

عروبہ خان

09th Jul, 2019. 10:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قومی کرکٹ ٹیم میں 4 سالہ منصوبہ بندی کی جائیگی، احسان مانی

پاکستان کرکٹ بورڈ کے چیئرمین احسان مانی کا کہنا ہے کہ ورلڈ کپ میں پاکستانی ٹیم کی کارکردگی کا تفصیلی جائزہ لے کر اگلے چار سال کے لیے منصوبہ بندی کی جائے گی اور کوئی بھی فیصلہ جلدبازی میں نہیں کیا جائے گا۔

چیئرمین پی سی بی نے کہا کہ ٹیم ابتدائی میچوں میں ویسٹ انڈیز، آسٹریلیا اور انڈیا کے خلاف اچھا نہ کھیل سکی لیکن اس کے بعد اس نے اچھی کارکردگی دکھائی جس سے اندازہ ہوا کہ پاکستانی ٹیم دنیا کی کسی بھی ٹیم کو ہرا سکتی ہے تاہم اس میں ذہنی پختگی کی کمی ہے جس پر کام ہونا ہے۔

احسان مانی کی پاکستانی ہیڈ کوچ مکی آرتھر کی ملاقات میں ٹیم میں اہم پیش رفت کے متعلق بات چیت ہوئی جبکہ مکی آرتھر نے پاکستان کرکٹ ٹیم کے ساتھ کام کرنے کا خواہش ظاہر کی ہے۔

واضح رہے کہ چیئرمین پی سی بی مکی آرتھر سے معاہدے کے متعلق کوئی بات نہیں ہوئی ہے جبکہ مکی آرتھر کے معاہدے کی معیاد 3 سال پورے ہونے پر ختم ہوگئی ہے۔