پاکستان کرکٹ بورڈ (پی سی بی) نے نیا ڈومیسٹک اسٹرکچر متعارف کروادیا۔

فصیلات کے مطابق پاکستان کرکٹ بورڈ (پی سی بی )کے دلچسپ اور سنسنی خیز ڈومیسٹک کرکٹ اسٹرکچر 2019-20 کی تقریب رونمائی   لاہور میں ہوئی ۔

تقریب رونمائی میں چیئرمین پی سی بی احسان مانی، چیف ایگزیکٹو  پی سی بی وسیم خان اور ڈائریکٹر ڈومیسٹک کرکٹ ہارون رشی نے شرکت کی ۔

پی سی بی   کے مطابق نئے ڈومیسٹک اسٹرکچر میں سابق کرکٹرز کے لیے کوچنگ اور منیجمنٹ کے مواقع پیدا کیے جارہے ہیں ۔ڈومیسٹک کرکٹ میں بہترکارکردگی کا مظاہرہ کرنے والے کھلاڑیوں کی مراعات میں اضافہ کیا جارہا ہے ۔

 پی سی بی کے نئے اسٹرکچر کے مطابق 16 ریجنز کو 6 ایسوسی ایشنز میں ضم کردیا گیا ہے ۔

نئے ڈومیسٹک اسٹرکچر کو 3 مختلف درجوں میں تقسیم کیا گیا ہے ۔پہلے درجے میں 90 سٹی کرکٹ ایسوسی ایشنز اسکول اور کلب کرکٹ مقابلوں کا انعقاد کریں گی دوسرے درجے میں سٹی کرکٹ ٹیمیں انٹرا سٹی مقابلوں میں شرکت کریں گی تیسرے درجے میں 6 ایسوسی ایشنز کی ٹیمیں پی سی بی کے زیراہتمام ٹورنامنٹس میں شرکت کریں گی ۔

ہر کرکٹ ایسوسی ایشن 32 کھلاڑیوں کو سالانہ ڈومیسٹک کنٹریکٹ دے گی ،یہ کھلاڑی پی سی بی کے سنٹرل کنٹریکٹ کاحصہ نہیں ہوں گے۔ایسوسی ایشن 32 کھلاڑیوں کے علاوہ بھی کسی کھلاڑی کو فی میچ معاوضہ دے کر میچ میں شامل کرسکتی ہے۔

ڈومیسٹک کرکٹ کنٹریکٹ رکھنے والے ہر کھلاڑی کو ماہانہ 50 ہزار روپے معاوضہ ملے گا ۔

اس کے علاوہ قائداعظم ٹرافی فرسٹ کلاس میچز 14 ستمبر سے 8 اکتوبر اور 28 اکتوبر سے 13 دسمبر تک جاری رہیں گے  جبکہ قائداعظم ٹرافی سیکنڈ الیون کے میچز 14 ستمبر سے 10 اکتوبر اور 28 اکتوبر سے 29 نومبر تک ہوں گے ۔

قومی انڈر 19 کرکٹ ٹورنامنٹ یکم اکتوبر سے 12 نومبر تک جاری رہے گا ۔قومی ٹی ٹوئنٹی کپ 13 سے 24 اکتوبر تک کھیلا جائے گا۔

 پاکستان کپ ایک روزہ ٹورنامنٹ کے میچز 29 مار چ سے 24 اپریل 2020 تک جاری رہیں گے ۔ ٹی ٹوئنٹی اور ایک روزہ کپ میں فرسٹ الیون اور سیکنڈ الیون کے میچز بیک وقت شروع ہوں گے ۔

پی سی بی کے نئے اسٹرکچر کے مطابق ڈومیسٹک سیزن 2019-20 کے تمام ٹورنامنٹس میں کوکابورا کی گیند کا استعمال  کی جائے  گی۔

اس موقع پر چیئر مین پی سی بی احسان مانی کا کہنا تھا کہ کرکٹ کے معیار میں بہتری لانا پی سی بی کی اولین ترجیح ہے ،نئے ڈومیسٹک اسٹرکچر کے نفاذ سے قومی کھلاڑیوں کی کارکردگی میں تسلسل آئے گا۔نئے اسٹرکچر کی تیاری میں پی سی بی صوبائی ایسوسی ایشنزکی مکمل معاونت کرےگا۔

چیف ایگزیکٹو پی سی بی وسیم خان نے کہا کہ  پاکستان کرکٹ بورڈ ٹیسٹ کرکٹ کی اہمیت پر یقین رکھتا  ہے،ن یہ اسٹرکچر ورلڈ ٹیسٹ چیمپئن شپ کے لیے پاکستان کو بہترین ٹیم کے انتخاب میں مدد دے گا۔