انگلینڈ اور آئرلینڈ کرکٹ کے چیف ایگزیکٹو ویرن ڈیوٹرم نے جلد پاکستان کا دورہ کرنے کا عندیہ دیا ہے۔

ویرن ڈیوٹرم نے کہا ہے کہ پاکستانیوں نے ہماری مہمان نوازی میں کوئی کسر نہیں چھوڑی اور اب ہم پاکستان میں انٹرنیشنل کرکٹ کی بحالی میں اپنا کردار ادا کرنا چاہتے ہیں۔

انکا کہنا تھا کہ دورہ پاکستان کیلئے جو سوالات تھے ان سب کے جوابات مل گئے ہیں، جو بریفنگ ملیں اس کے بعد اب دورہ پاکستان سے انکار کرنا ہمارے  لئے ممکن نہیں ہوگا۔

چیف ایگزیکٹو ویرن ڈیوٹرم نے بتایا کہ رواں ماہ کے اختتام پر کرکٹ آئرلینڈ کی بورڈ میٹنگ میں دورہ پاکستان ڈسکس ہوگا۔

دوسری جانب انگلینڈ اینڈ ویلز کرکٹ بورڈ کے چیف ایگزیکٹو ٹام ہیرسن نے پی سی بی ریڈیو کو انٹرویو میں بتایا کہ انہوں نے انگلینڈ کے 2022 میں دورہ پاکستان کیلئے انتظامات کی تفصیلات حاصل کی ہیں اور اسلام آباد میں اپنے دورے میں ملنے والی معلومات کا بغور جائزہ بھی لیا جائے گا۔

ٹام ہیرسن نے کہا کہ میرا دورہ پاکستان انتہائی اہمیت کا حامل ہے کونکہ دورے میں پاکستان کی سکیورٹی اور انتظامات سے وابستہ افراد سے اہم معلومات حاصل کی ہیں۔

انکا کہنا تھا کہ برٹش ہائی کمیشن، وزرات داخلہ اور سکیورٹی افسران سے رابطے میں رہیں گے جبکہ سیف سٹی پراجیکٹ سیکورٹی صورتحال کی نگرانی کیلئے انتہائی مؤثر اور مفید ہے۔