باکسنگ ڈےٹیسٹ میں آسٹریلیانےشاندارباؤلنگ  کی بدولت نیوزی لینڈ کو 247رنزسےشکست دےدی۔

 باکسنگ ڈےٹیسٹ میچ میں آسٹریلیانےنیوزی  لینڈکو 247 رنزسےشکست دے کرتین میچوں کی سیریز میں 0-2 کی فیصلہ کن برتری حاصل کر لی۔

میلبرن کرکٹ گراؤنڈمیں کھیلےگئےباکسنگ ڈےٹیسٹ میچ میں نیوزی لینڈنےٹاس جیت کرباؤلنگ کافیصلہ کیا۔

آسٹریلیا نے پہلی اننگز میں ٹریوس ہیڈ کی سنچری اور اسٹیو اسمتھ، مارنس لبوشین اور کپتان ٹم پین کی نصف سنچریوں کی بدولت 467 رنز بنائے۔

اس کے جواب نیوزی لینڈ کی ٹیم صرف 148رنز پر ڈھیر ہو گئی ۔ نیوزی لینڈ  کی  جانب سے  50رنز بنانے والے ٹام لیتھم کے سوا کوئی بھی بلے باز آسٹریلین باؤلرز کا سامنا نہ کرسکا۔

پیٹ کمنز نے بہترین کھیل پیش کرتے ہوئے 5کھلاڑیوں کو پویلین کی راہ دکھائی جبکہ جیمز پیٹنسن نے تین اور مچل اسٹارک نے دو وکٹیں حاصل کیں۔

آسٹریلیا نے فالو آن کرانے کے بجائے خود بیٹنگ کی اور 168رنز پانچ کھلاڑی آؤٹ پر دوسری اننگز ڈکلیئر کردی۔

آسٹریلیاکے فاسٹ بالرکاانٹرنیشنل کرکٹ سےریٹائرمنٹ کااعلان

میزبان ٹیم نے نیوزی لینڈ کو دوسرے ٹیسٹ میچ میں فتح کے لیے 488رنز کا ریکارڈ ہدف دیا لیکن ٹام بلنڈل کی 121 رنز کی جرات مندانہ اننگز کے باوجود نیوزی لینڈ کی پوری ٹیم 240رنز پر ڈھیر ہو گئی۔

آسٹریلیا کی جانب سے نیتھن لائن 4 وکٹیں لے کر سب سے کامیاب باؤلر رہے جبکہ جیمز پیٹنسن نے بھی تین وکٹیں لیں۔

آسٹریلیا نے دوسرے ٹیسٹ میچ 247رنز سے شکست دے کر تین میچوں کی سیریز میں 0-2 کی فیصلہ کن برتری حاصل کرنے کے ساتھ ساتھ سال 2019 کا کامیابی کے ساتھ اختتام کیا۔