ماریہ شراپووا کو آسٹریلین اوپن کے پہلے ہی راؤنڈ میں اپ سیٹ شکست
پانچ بار کی گرینڈ سلیم چیمپئن ماریہ شراپووا آسٹریلین اوپن کے پہلے ہی راؤنڈ میں اپ سیٹ شکست کھا کرایونٹ سے باہر ہوگئیں۔
تفصیلات کے مطابق وائلڈ کارڈ پر آنے والی سابق عالمی نمبر ایک ماریہ شراپووا کو کروشیا کی 19 ویں سیڈڈ ڈونا ویکک نے3-6 اور 4-6 سے شکست سے دوچار کیا۔
اس شکست کے بعد وہ عالمی ٹینس کی درجہ بندی میں 350 سے بھی نیچے چلی گئی ہیں۔
یہ لگاتار تیسرا موقع ہے کہ جب 32 سالہ شراپووا گرینڈ سلیم ایونٹ کےپہلے ہی راؤنڈ میں شکست کھا کر ایونٹ سے باہر ہوگئیں۔ اس کے بعد ان کے مستقبل کے بارے میں قیاس آرائیوں میں اضافہ ہونے کا امکان ہے۔
ماریہ شراپووا نے اعتراف کیا کہ اس شکست کے بعد وہ نہیں جانتیں کہ اگلے برس آسٹریلین اوپن میں واپس آئیں گی بھی کہ نہیں۔ میرے لئے یہ بتانا مشکل ہے کہ 12 ماہ کے وقت میں کیا ہونے والا ہے۔
ثانیہ مرزا کی ٹینس کورٹ میں کامیاب واپسی
یاد رہے کہ شراپووا 2008 میں آسٹریلین اوپن کا ٹائٹل جیتنے کے بعد بھی اپنے مستقبل کے حوالے سےاسی طرح مبہم تھیں۔
ایک سوال کے جواب میں شراپووا نے کہا کہ میں ایمانداری سے آپ کو جواب دوں تو مجھے ابھی نہیں معلوم کہ میں مستقبل قریب میں کون سا ٹورنامنٹ کھیلوں گی۔
ماریہ شراپووا نے کہا کہ وہ اپنی تیز ی سے نیچے جاتی ہوئی رینکنگ کا زیادہ نوٹس نہیں لے رہی ہیں۔
واضح رہے کہ روسی ٹینس اسٹار پر 2016 کے آسٹریلین اوپن میں ڈوپ ٹیسٹ میں ناکامی پر 15 ماہ کے لئے پابندی عائد کردی گئی تھی۔
شراپووا پابندی سے واپس آنے کے بعد سے فارم اور تندرستی کے لئے جدوجہد کر رہی ہیں۔
خیال رہے کہ روسی ٹینس اسٹار ماریہ شراپووا پانچ گرینڈ سلیم ٹائٹل اپنے نام کرچکی ہیں ۔
وہ 2004 ومبلڈن ، 2006 میں یو ایس اوپن، 2008 میں آسٹریلین اوپن جبکہ 2012 اور 2014 میں فرنچ اوپن کی فاتح رہی ہیں ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News