بارش کے باعث تیسرا ٹی ٹوئنٹی میچ منسوخ، سیریز پاکستان کے نام
پاکستان اور بنگلا دیش کے درمیان سیریز کا تیسرا اور آخری ٹی ٹوئنٹی میچ بارش کے باعث منسوخ کردیا گیا، سیریز 0-2 سے پاکستان کے نام ہوگئی۔
تفصیلات کے مطابق پاکستان اور بنگلا دیش کے درمیان تیسرا ٹی ٹوئنٹی میچ دوپہر 2 بجے شروع ہونا تھا تاہم بارش کے سبب میچ کا ٹاس بھی نہیں کیا جا سکا اور میچ منسوخ کردیاگیا۔
میچ منسوخ ہونے کے بعد پاکستان 0-2 سے سیریز جیت کر اپنی نمبر ون کو پوزیشن برقرار رکھنے میں کامیاب رہا ہے۔
میچ منسوخ ہونے پہ جہاں شائقین کرکٹ اداس ہیں وہیں پاکستان کرکٹ بورڈ(پی سی بی ) کی جانب سے شائقین کے لیے بڑی خوشخبری سامنے آئی ہے۔
AdvertisementMatch called off due to rain 🌧️
Pakistan win the #PAKvBAN T20I series by 2-0. https://t.co/97EacybNFi pic.twitter.com/K3AtTcWpsj
— Pakistan Cricket (@TheRealPCB) January 27, 2020
پی سی بی نے بارش کی نظر ہونے والے میچ کی ٹکٹ فیس واپس کرنے کا فیصلہ کیا ہے۔شائقین کرکٹ کورئیر سنٹرز پر ٹکٹس واپس کرکے پیسے حاصل کر سکیں گے۔
ٹی ٹوئنٹی سیریز کے اختتام کے بعد بنگلا دیش کرکٹ ٹیم آج رات واپس وطن روانہ ہو جائے گی۔
دوسرے مرحلے میں بنگلا دیش کرکٹ ٹیم ٹیسٹ میچ کے لیے دوبارہ راولپنڈی آئے گی۔
بنگلادیش کرکٹ ٹیم چھ فروری کو راولپنڈی پہنچے گی جہاں پہلا ٹیسٹ میچ 7 فروری سے 11 فروری تک پنڈی اسٹیڈیم میں کھیلا جائے گا۔
پہلے ٹیسٹ میچ کے بعد بنگلا دیش ٹیم دوبارہ وطن واپس روانہ ہوجائے گی۔
بنگلادیش کرکٹ ٹیم تیسرے مرحلے میں واحد ون ڈے اور دوسرے ٹیسٹ میچ کے لیے پاکستان سپر لیگ( پی ایس ایل ) کے اختتام کے بعد کراچی آئے گی۔
واضح رہے کہ نوجوانوں اور سینئر کھلاڑیوں کے کومبی نیشن پر مشتمل پاکستان ٹیم نے پہلے دونوں میچز میں بالترتیب 5 اور 9وکٹوں سے فتح حاصل کی تھی۔
یاد رہے کہ بنگلادیش کرکٹ ٹیم تقریباً 12 سال بعد پاکستان آئی تھی ۔ اس سے قبل بنگلادیش ٹیم 2008 کے ایشیاء کپ میں شرکت کے لیے پاکستان آئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News