شاہین اوربنگال ٹائیگرز 11 سال بعد آج مدمقابل ہوں گے
پاکستان اوربنگلہ دیش کی کرکٹ ٹیموں کےدرمیان تین ٹی ٹوئنٹی میچوں کی سیریزکا پہلا میچ آج کچھ دیربعدلاہورمیں کھیلا جائے گا ۔
تفصیلات کے مطابق پاکستان اوربنگلہ دیش کی کرکٹ ٹیموں کے درمیان تین ٹی ٹونٹی میچوں کی سیریز کا پہلا میچ آج کچھ دیر بعد لاہور کے قذافی اسٹیڈیم میں شروع ہونےوالاہے جہاں پاکستانی ٹیم کوسیریزمیں عالمی نمبرایک پوزیشن بچانےکاچیلنج بھی درپیش ہے۔
پاکستان کوٹی ٹوئنٹی میچزمیں عالمی نمبرایک پوزیشن برقراررکھنی ہےتواسےسیریز میں کلین سوئپ کرناہوگاورنہ ایک بھی میچ ہارنے کی صورت میں پاکستان ٹی ٹوئنٹی میں اپنی پوزیشن گنوابیٹھےگا۔
قذافی اسٹیڈیم میں دونوں ٹیموں نے گزشتہ روز پریکٹس کی جب کہ سیریزکی ٹرافی کی بھی رونمائی کردی گئی۔
AdvertisementPakistan vs Bangladesh T20I series trophy unveiling ceremony
🇵🇰🏆🇧🇩 #PAKvBANAction to being tomorrow. Get your tickets now https://t.co/cy3H708fqX 🎟 pic.twitter.com/EKuyfKRgSZ
— Pakistan Cricket (@TheRealPCB) January 23, 2020
سیریزکےحوالےسے قومی کپتان بابر اعظم کاکہنا تھاکہ متوازن ٹیم کے ساتھ میدان میں اتریں گے جبکہ بنگلا دیش ٹیم کے کپتان محمود اللہ نے کہا کہ پاکستان میں کوئی سیکیورٹی خدشات نہیں، اچھی کرکٹ کھیلنے کیلئے پرعزم ہیں۔
قومی ٹیم کے کپتان کامزید کہناتھاکہ پاکستانی ٹیم عالمی نمبرایک پوزیشن بچانے کے لیے سردھڑ کی بازی لگادے گی۔
قومی ٹیم میں کئی تبدیلیاں بھی کی گئی ہیں گزشتہ سیریزمیں شریک 7کھلاڑیوں کواسکواڈ سے ڈراپ کرکےنوجوان اورتجربہ کار کھلاڑیوں پر مشتمل اسکواڈ تشکیل دیا گیا ہے۔
اسکواڈمیں احسن علی اورحارث رؤف بھی پہلی مرتبہ جگہ بنانے میں کامیاب رہےہیں اور دونوں کھلاڑیوں کاپہلے میچ میں ڈیبیو متوقع ہے۔
بنگلا دیش کی ٹیم میں اہم اور تجربہ کارکھلاڑیوں میں بیٹسمین تمیم اقبال، سومیا سرکار،محمود اللہ اورلٹن داس ہیں جبکہ بولنگ میں مستفیض، روبیل اور شفیع الاسلام اہم کھلاڑی ہیں۔
بنگلہ دیش نےآخری مرتبہ 2008 میں پاکستان کا دورہ کیاتھا ۔
ٹی20 میں کس کاپلڑابھاری؟
ٹی20 میں بھی پاکستان کا بنگلہ دیش کے خلاف پلڑا بھاری ہے۔
دونوں ٹیمیں اب تک 10 ٹی ٹوئنٹی میچزمیں مدمقابل آئی ہیں جس میں پاکستان کا پلہ بھاری ہے جس نے 8 میچوں میں فتح حاصل کی اور دو میں فتح نے بنگلہ دیشی ٹیم کے قدم چومے۔
پِچ
ٹی ٹوئنٹی میچزکیلئےقذافی اسٹیدیم میں بیٹنگ فرینڈیلی پچزتیارکی گئی ہیں جہاں کاموسم بھی آج کل کرکٹ کےلیے شاندار ہے، ایسے میں وہاں چوکے چھکوں کی برسات ہو گی۔
ہسپتال قائم
دوسری جانب نشتراسپورٹس کمپلیکس میں پاک بنگلہ دیش ٹی ٹونٹی سیریزکےدوران عارضی جنرل اسپتال قائم کردیاگیاہے۔
عارضی جنرل اسپتال میں صحت سےمتعلق تمام ترانتظامات مکمل کئے جاچکے ہیں۔
جنرل ہسپتال مین ادویاے اورفرسٹ ایڈکی تمام تر اشیا موجودہیں ۔ شہری بھی عارضی جنرل اسپتال میں اپنا میڈیکل چیک اپ کرواسکتےہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News