شعیب ملک کی نصف سنچری، پاکستان 5 وکٹ سے فتحیاب
تجربہ کار آل راؤنڈر شعیب ملک کی ناقابل شکست نصف سنچری کی بدولت پاکستان نے بنگلا دیش کو پہلے ٹی ٹوئنٹی میچ میں5 وکٹوں سے شکست دے دی۔
قذافی اسٹیڈیم لاہور میں کھیلے گئے میچ میں مہمان ٹیم نے ٹاس جیت کر پہلے بیٹنگ کا فیصلہ کیا تاہم پاکستانی بالرز کی نپی تلی بالنگ کے سبب وہ مقررہ 20 اوررز میں 5 وکٹوں کے نقصان پر 141 رنز ہی بناسکی۔
محمد نعیم 43 اور تمیم اقبال 39 رنز بناکر نمایاں رہے۔ ان کے علاوہ کپتان محمود اللہ 19 ، لٹن داس 12،عفیف حسین9اور سومیا سرکار 5 رنز بنا سکے۔
پاکستان کی جانب سے ڈیبیوٹینٹ حارث رؤف،شاداب خان اور شاہین شاہ آفریدی نے ایک ایک وکٹ حاصلی کی۔
142 رنز کے تعاقب میں پاکستان ٹیم کا آغاز متاثر کن نہ تھا ۔دوسری ہی گیند پر ٹیم کے کپتان اور عالمی نمبر ایک بلے باز بابر اعظم ٹی ٹوئنٹی کی تاریخ میں پہلی مرتبہ بغیر کوئی رن بنائے آؤٹ ہوگئے۔
پاکستان انڈر 19 کرکٹ ورلڈ کپ کے کوارٹر فائنل میں پہنچ گیا
اس کے بعد ڈیبیوٹینٹ احسان علی اور محمد حفیظ نے اسکور 35 تک پہنچایا تو حفیظ (17)بھی پویلین واپس لوٹ گئے۔اوپنر احسان علی نے شعیب ملک کے ہمراہ بھی 46رنز کی شراکت قائم کرکے ٹیم کی پوزیشن مستحکم کردی۔
احسان علی36 رنز بناکر امین السلام کی گیند پر آؤٹ ہوگئے۔دوسرے اینڈز سے وکٹیں گرتے رہنے کے باوجود شعیب ملک نے ذمہ دارانہ اننگز کھیلتے ہوئے ناقابل شکست 58 رنز بنائے اور ٹیم کی جیت میں اہم کردار ادا کیا۔
بنگلا دیش کی جانب سے شفیع الاسلام نے 2،مستفیض الرحمان، الامین الحسین اور امین الاسلام نے ایک ایک وکٹ حاصل کی۔
شیعب ملک کو ناقابل شکست نصف سنچری اسکور کرنے پر میچ کا بہترین کھلاڑی قرار دیا گیا۔
اس فتح کے ساتھ پاکستان کو تین ٹی ٹوئنٹی میچز کی سیریز میں 0-1 کی برتری حاصل ہوگئی ہے۔
دونوں ٹیموں کے مابین دوسرا ٹی ٹوئنٹی میچ کل (25 جنوری) جبکہ تیسرا میچ 27 جنوری کو کھیلا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News