پاکستان کرکٹ بورڈ نے راولپنڈی ٹیسٹ کے شائقین کو مفت ٹکٹ دینے کا فیصلہ کرلیا ہے۔

تفصیلات کے مطابق پاکستان کرکٹ بورڈ نے زیادہ سے زیادہ شایقین کو اسٹیڈیم تک رسائی دینے کی خاطر چار جنرل اسٹینذز کو مختص کرنے کی پلاننگ کرلی ہے ۔

ذرائع کا کہنا ہے کہ مفت داخلے کی اجازت صرف شناختی کارڈ کے حامل افراد کو ہوگی ۔

یاد رہے کہ پاکستان اور بنگلہ دیش کے درمیان پہلا ٹیسٹ سات فروری سے کھیلا جائےگا۔ جس کے لئے پی سی بی نے اظہر علی کی قیادت میں سولہ رکنی ٹیم کا اعلان کردیا ہے, جب کہ مہمان ٹیم کی آمد پانچ فروری کو پاکستان پہنچے گی ۔

راولپنڈی ٹیسٹ: چوتھے روز بھی کھیل ممکن نہ ہوسکا

دوسری جانب بنگلا دیش کی ٹیم بدھ کو راولپنڈی پہنچے گی جہاں 6فروری کو دونوں ٹیمیں راولپنڈی کرکٹ سٹیڈیم میں پریکٹس کرینگی جبکہ دونوں ٹیموں کے کپتان اسی دن ٹیسٹ سیریز کی ٹرافی کی تقریب رونمائی میں بھی شرکت کرینگی۔

ٹیسٹ سیریز کیلئے قومی ٹیم کا اعلان کر دیا گیا ہے ،اسکواڈ میں اظہر علی(کپتان)، عابد علی، اسد شفیق، بابراعظم، بلال آصف، فہیم اشرف، فواد عالم، حارث سہیل، امام الحق، عمران خان سینئر، محمد عباس، محمد رضوان، نسیم شاہ، شاہین شاہ آفریدی، شان مسعود اور یاسر شاہ شامل ہیں۔

اس کے علاوہ دوسرا ٹیسٹ میچ کراچی میں 5اپریل سے کھیلا جائے گا۔

واضح رہے کہ اس سے پہلے بنگلا دیش کے خلاف ٹی ٹوئنٹی سیریز میں پاکستان کو واضح برتری حاصل رہی جہاں 3 میچز کی سیریز میں پاکستان 2 میچز جیتا جبکہ ایک میچ بارش کی نظر ہوگیا تھا۔