ٹیسٹ کرکٹر  فواد عالم نے اداکار ی کے میدان میں قدم رکھ دیا۔

ڈومیسٹک کرکٹ میں مسلسل ٹاپ پرفارمر ہونے کے باوجود قومی کرکٹ ٹیم  میں منتخب نہ کیے جانے والے بہترین مڈل آرڈر بلے باز فواد عالم  نے اداکاری کے میدان میں قدم رکھ دیا۔

سابق ٹیسٹ کرکٹ فیصل اقبال نے  سماجی رابطے کی ویب سائٹ ٹوئیٹر پر ایک ڈرامے کی شوٹ کے دوران کی  تصویر شیئر کی جس میں فواد عالم دیگر اداکاروں کے ساتھ موجود ہیں۔

فیصل اقبال نے  فواد عالم کے لیے نئے کیریئر میں نیک خواہشات  کا اظہار کرتے ہوئے کہا کہ   کرکٹر فواد عالم بطور اداکار ٹی وی سیریل میں نظر آرہے ہیں۔ سنا ہے کہ انہوں نے اداکاری کی اچھی صلاحیتیں حاصل کرلی ہیں۔

Advertisement

** Drama Gher Damaad **
Directed by : Syed Bilal Naqvi
Channel. : PTV
Cricketer Fawad Alam appearing on TV serial as an actor. I Wish him all the best in his new career. Heard he’s got good acting skills! pic.twitter.com/7l4CdcYhOo

— Faisal Iqbal🇵🇰🏏فیصل اقبال (@FaisalIqbalCric) June 2, 2020

واضح رہے کہ فواد عالم گذشتہ کئی سالوں سے ڈومیسٹک کرکٹ کے ٹاپ 3 پرفارمر ز میں شامل ہیں لیکن بدقسمتی سے انہیں قومی ٹیم میں منتخب نہیں کیا جاتا ۔

فواد عالم نے 165 فرسٹ کلاس میچز میں 34 سنچریز اور 60 نصف سنچریز اسکور کر رکھی ہیںجبکہ 56.84 کی اوسط سے 12222 رنز بنارکھے ہیں۔

لسٹ اے کے 203 میچز میں 48.71  کی اوسط سے 6577 رنز بنارکھے ہیں جبکہ جس میں 8 سنچریز  اور 40 نصف سنچریز شامل ہیں۔

38 ایک روزہ بین الاقوامی میچز میں فواد عالم نے 40.25 کی اوسط سے 966 رنز بنائے ہیں جس میں 1 سنچری اور 6 نصف سنچریز شامل ہیں۔

3 ٹیسٹ میچز میں انہوں نے 41.66 کی اوسط سے 250 رنز بنائے ہیں جس میں 1 سنچری شامل ہے۔

فواد عالم پاکستان کی جانب سے غیر ملکی سیریز میں  ٹیسٹ ڈیبیو پر سنچری کرنے والے پہلے پاکستانی کھلاڑی ہیں۔انہوں نے سری لنکا کے خلاف 168 رنز کی اننگز کھیلی تھی۔