فیفا نے فٹبال ورلڈ کپ دوہزار بائیس  کے شیڈول کا اعلان کردیا گیا۔

تفصیلات کے مطابق قطر میں ہونے والے فٹبال ورلڈ کپ کا رنگا رنگ افتتاحی میچ 21 نومبر دوہزار بائیس  کو ساٹھ ہزار گنجائش والے  ال بیت اسٹیڈیم میں کھیلا جائے گا جبکہ فائنل معرکہ 18 دسمبر دوہزار بائیس کو ہوگا۔

گروپ راؤنڈ کے آخری میچز 6 اور 10 بجے مقامی وقت کے مطابق ہوں گے، تین سے چھ دسمبر تک پری کوارٹر فائنل، نو اور دس دسمبر کو کوارٹر فائنل کھیلے جائیں گے۔

فیفا ورلڈ کپ 2022 کے سیمی فائنل 13 اور 14 دسمبر کو کھیلے جائیں گے۔

فیفا ورلڈ کپ 2022 میں روبوٹ ریفریز متعارف کرانے کا منصوبہ

واضح رہے کہ اس سے قبل فیفا نے قطر میں شیڈول 2022 ورلڈ کپ کے دوران روبوٹ ریفری متعارف کرانے کی منصوبہ بندی شروع کی تھی۔

فیفا کے ڈائریکٹر ٹیکنالوجی جوہانیز ہولزمولر نے قطر میں شیڈول 2022 ورلڈ کپ کے دوران روبوٹ ریفری متعارف کرانے کے منصوبے کی تفصیلات بیان کرتے ہوئے کہا تھا کہ نئے سسٹم میں ہم معاون ریفریز کی جگہ روبوٹ سامنے لائیں گے۔

انہوں نے کہا تھا کہ ہمارا انحصار کمپیوٹر ٹیکنالوجی پر ہوگا جس کے ذریعے آف سائیڈ کے فیصلے دیے جا سکیں گے۔