یو ایس اوپن، عالمی نمبر ایک نوواک جوکووچ کا فاتحانہ آغاز

زاہد فاروق ملک رپورٹر

01st Sep, 2020. 06:10 pm
نوواک جوکووچ

عالمی نمبر ایک ٹینس اسٹار نوواک جوکووچ  نے یو ایس اوپن کا فاتحانہ آغاز کردیا۔

تفصیلات کے مطابق سربیا کے بین الاقوامی شہرت یافتہ ٹینس اسٹار اور عالمی نمبر ایک نوایک جوکووچ رواں سال کے دوسرے گرینڈ سلیم یو ایس اوپن ٹینس ٹورنامنٹ کا فاتحانہ آغاز کرتے ہوئے دوسرے راؤنڈ میں پہنچ گئے۔

دوسری جانب میزبان جان اسنر ابتدائی راؤنڈ میں ہار کر میگا ایونٹ سے باہر ہوگئے۔

خیال رہے کہ رواں سال کا دوسرا گرینڈ سلیم یو ایس اوپن ٹینس ٹورنامنٹ امریکہ کے شہر نیویارک سٹی میں شروع ہوچکا ہے۔

مینز سنگلز کے ابتدائی راؤنڈ میں سربیا کے نامور ٹینس اسٹار نوایک جوکووچ نے انتہائی شاندار کارکردگی کا مظاہرہ کرتے ہوئے بوسنیا کے حریف کھلاڑی دامیر کو اسٹریٹ سیٹس میں1-6،4-6 اور 1-6 سے شکست دے کر دوسرے راؤنڈ کے لیے کوالیفائی کرلیا۔

یونانی کھلاڑی اسٹیفانوس نے ہسپانوی حریف کھلاڑی البرٹ راموس کو سٹریٹ سیٹس میں 2-6 ، 1-6 اور1-6 سے ہرا دیا۔

پہلے راؤنڈ کے دیگر میچوں میں اسپین کے پابلو کیرینو، امریکہ کے اسٹیو جان سن، کینیڈا کے ڈینس شاپووالو، بیلجیئم کے ڈیوڈ گوفن، امریکہ کے ٹیلر ہیری فریٹز اور فرانس کے گیل سیمون نے کامیابی حاصل کرلی۔

Square Adsence 300X250