برطانوی کرکٹ ٹیم کے جلد دورہ پاکستان کا امکان

زاہد فاروق ملک رپورٹر

17th Sep, 2020. 06:07 pm

پاکستان میں برطانیہ کے ہائی کمشنرکرسچین ٹرنر نے کہا ہے کہ وہ کوشش کر رہے ہیں برطانوی کرکٹ ٹیم جلد پاکستان کا دورہ کرے۔

تفصیلات کے مطابق اپنے ایک انٹرویو کے دوران برطانوی ہائی کمشنرکا کہنا تھا کہ پاکستان کورونا سے بہت اچھے طریقے سے نمٹا، معیشت میں بھی بہتری آرہی ہے، برطانیہ سمیت دیگر ممالک کو کورونا سے متعلق پاکستان سے سیکھنا چاہیے۔

کرسچین ٹرنرکا کہنا تھا کورونا وائرس کے خلاف پاکستان کا زبردست کرداررہا، پاکستان نے چھکا لگا کر کورونا وباء کو شکست دی۔

انہوں نے بتایا کہ میں نے نیشنل کمانڈ اینڈ کنٹرول سینٹر کا دورہ کیا تھا، این سی او سی نے کورونا کنٹرول کرنے میں اہم کردار ادا کیا ہے۔

انٹرویو کے دوران دونوں ملکوں کے درمیان کرکٹ سیریز کے سوال پر برطانوی ہائی کمشنر نے اردو میں کہا کہ مجھے امید ہے بہت جلد پاکستان اور برطانیہ کی کرکٹ سیریز پاکستان میں شروع ہوگی، وہ کوشش کر رہے ہیں کہ برطانوی کرکٹ ٹیم جلد پاکستان کا دورہ کرے۔

Square Adsence 300X250