دورہ پاکستان، زمبابوے کرکٹ ٹیم کا اعلان
دورہ پاکستان، زمبابوے کرکٹ ٹیم کا اعلان کردیا گیا ہے جس کے...
زمبابوے کے خلاف سیریز میں سینئر کھلاڑیوں کو آرام دینے کی تجویز زیر غور ہے۔
تفصیلات کے مطابق زمبابوے کے خلاف تین ایک روزہ اور تین ٹی ٹوئنٹی میچز کے لیے اسکواڈ سے متعلق چیف سلیکٹر و ہیڈ کوچ مصباح الحق کی ساتھی سلیکٹرز سے ابتدائی مشاورت مکمل ہوگئی۔
ذرائع کا کہنا ہے کہ مشاورت کے دوران سینئر کھلاڑیوں کو آرام دینے کی تجویز زیر غور آئی ہے۔ہوم سیریز کے لیے محمد حفیظ ، شعیب ملک، محمد عامر اور وہاب ریاض کو آرام دینے کی تجویز ہے۔
اس کے علاوہ ٹی ٹوئنٹی سیریز میں وکٹ کیپر محمدرضوان سے اننگز کا آغازکروانے کی تجویز بھی زیر غور آئی ہے۔محمد رضوان حالیہ قومی ٹی ٹوئنٹی ٹورنامنٹ میں بطور اوپنر اچھی کارکردگی دکھارہے ہیں۔
دوسری جانب ٹی ٹوئنٹی ٹیم میں آصف علی، سہیل تنویر اور محمدموسیٰ کی شمولیت کا امکان ہےجبکہ نسیم شاہ کی ٹیم میں شمولیت ان کی فٹنس سے مشروط ہے۔
ذرائع کا مزید کہنا ہے کہ نوجوان حیدرعلی، خوشدل شاہ،ظفرگوہر اور ذیشان ملک کے نام بھی زیر غور ہیں۔
سابق کپتان سرفراز احمد کی ٹی ٹوئنٹی اسکواڈ میں شمولیت کا امکان نہ ہونے کے برابر ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News