نیوزی لینڈ اے کے خلاف روحیل نذیر اور فواد عالم کی سنچریز

زاہد فاروق ملک رپورٹر

19th Dec, 2020. 07:57 pm

نیوزی لینڈ اے کے خلاف  کپتان روحیل نذیر اور فواد عالم کی سنچریز نے پاکستان شاہینز کی میچ میں پوزیشن مستحکم کردی ہے۔

تفصیلات کے مطابق   پاکستان شاہینز اور نیوزی لینڈ اے کے مابین جاری چار روزہ میچ کے تیسرے روز کھیل کے اختتام پر کپتان روحیل نذیر اور فواد عالم کی سنچریز نے پاکستان شاہینز کی میچ میں پوزیشن مستحکم کردی ہے۔

پاکستان شاہینز کو دوسری اننگز میں 286 رنز کی سبقت حاصل ہے جبکہ ایک وکٹ ابھی باقی ہے ۔

دونوں کھلاڑیوں نے پانچویں وکٹ کے لیے 215 رنز کی شراکت قائم کی، فواد عالم 139 اور کپتان روحیل نذیر 100 رنز بناکر آؤٹ ہوئے۔

وانگرائے میں جاری میچ میں پاکستان شاہینز نے 9 وکٹوں کے نقصان پر 318 رنز بنالیے ہیں ۔

اس سے قبل پاکستان شاہینز نے پہلی اننگز میں 194 رنز بنائے تھے  جبکہ نیوزی لینڈ اے کی پوری ٹیم اپنی پہلی اننگز میں 226 رنز بنا کر آؤٹ ہوگئی تھی۔

Square Adsence 300X250