جیک کیلس انگلینڈ کرکٹ ٹیم کے بیٹنگ کوچ مقرر

زاہد فاروق ملک رپورٹر

22nd Dec, 2020. 09:52 pm

انگلینڈ اینڈ ویلز کرکٹ بورڈ نے جنوبی افریقہ کے سابق مایہ ناز آل رائونڈر جیک کیلس کو سری لنکا کے دورہ کیلئے ٹیم کا بیٹنگ کوچ مقرر کردیا ہے۔

ٹیسٹ کرکٹ میں 13ہزار سے زائد رنز بنانے والے کیلس انگلینڈ کے ہیڈ کوچ کرس سلورووڈ اور اسسٹنٹ کوچ پال کولنگ ووڈ کے ماتحت کام کریں گے۔

انگلینڈ کی ٹیم کے ساتھ جیمز فوسٹر بطور وکٹ کیپنگ، کارل ہوپکنز فیلڈنگ، جون لیوس بالنگ اور جیتن پٹیل اسپین بالنگ کنسلٹنٹ کے طور پر کام کر رہے ہیں۔

جیک کیلس کرکٹ ریٹائرمنٹ کے بعد آئی پی ایل کی ٹیم کولکتہ نائٹ رائیڈرز کے کوچ کے علاوہ جنوبی افریقہ کی قومی ٹیم کے ساتھ بھی کام کر چکے ہیں۔

جنوبی افریقہ کی ٹیم کے حالیہ دورہ انگلینڈ میں وہ ٹیم کے ساتھ نہیں تھے۔

انگلینڈ کی ٹیم کا دورہ سری لنکا اگلے مہینے شروع ہوگا جو انگلینڈ میں کورونا وائرس کی نئی لہر کے باوجود ملتوی نہیں کیا گیا۔

سری لنکا کے دورے میں انگلینڈ کی ٹیم دو ٹیسٹ کھیلے گی جس کے بعد بھارت پہنچے گی۔

جو روٹ کی قیادت میں انگلینڈ کی 24 رکنی ٹیم کا اعلان کر دیا گیا ہے جس میں 7 اضافی کھلاڑی بھی شامل ہیں۔

انگلینڈ اور سری لنکا کے درمیان پہلا ٹیسٹ گال میں 14 جنوری کو شروع ہوگا جبکہ دوسرا ٹیسٹ 22 جنوری کو گال میں ہی کھیلا جائے گا۔

Square Adsence 300X250