Advertisement
جنوبی افریقی کپتان کوئنٹن ڈی کوک کا کہناہے کہ ہمارے بولرز نے بہت کوشش کی مگر فواد عالم نے شاندار بیٹنگ کی۔
پہلے ٹیسٹ میچ کے اختتام پر نیشنل اسٹیڈیم کراچی میں پریس کانفرنس کرتے ہوئے جنوبی افریقی کپتان کوئنٹن ڈی کوک کا کہنا تھا کہ پاکستان نے میچ میں ہم سے اچھی بیٹنگ کی۔
کوئنٹن ڈی کوک نے کہا کہ پہلی اننگز میں اس وکٹ پر 220 رنز کافی تھے۔ پہلے روز کے اختتام پر ہمیں برتری حاصل تھی لیکن فواد عالم نے شاندار بیٹنگ سے میچ کا رخ بدل دیا۔
ایک سوال کے جواب میں انہوں نے کہا کہ مجھے نہیں معلوم ہماری بیٹنگ ناکام کیوں ہورہی ہے ،اگر مجھے مسئلے کا پتہ ہوتو اس کو حل کردوں۔
کوئنٹن ڈی کوک نے مزید کہا کہ مانتے ہیں کہ ایشیا میں ہمارا ریکارڈ اچھا نہیں ہے۔ اس ریکارڈ کو بہتر کرنے کی کوشش کررہے ہیں۔
Advertisement
انہوں نے کہا کہ پہلے ٹیسٹ میچ میں ہم نے کافی غلطیاں کی ہیں۔ دوسرے ٹیسٹ میں اچھی واپسی کی کوشش کریں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
