قومی کرکٹرز محمد حفیظ ، سرفراز احمد اور محمد عامر کی ٹوئیٹر پر لفظی جنگ کا پی سی بی نے نوٹس لے لیا۔
ذائع کے مطابق پاکستان کرکٹ بورڈ (پی سی بی) نے محمد حفیظ اور سرفراز احمد کے ٹوئیٹر پر بیانات کا نوٹس لیتے ہوئے دونوں کھلاڑیوں سے رابطہ کیا ہے۔
ذرائع کا کہنا ہے کہ ٹیم مینجمنٹ نے محمد حفیظ اور سرفراز احمد سے بیانات کے معاملے پر بات کی ہےاور دونوں کھلاڑیوں کو بیانات کے ذریعے تنازعات میں پڑنے سے منع کیا گیا ہے۔
پی سی بی ذرائع کا کہنا ہے کہ ٹیم منیجر نے کرکٹرز سے خود بات کرکےمعاملہ رفع دفعہ کرا دیا ہے۔
ذرائع کا کہنا ہے کہ ٹیم مینجمنٹ اور پی سی بی عہدیداران کھلاڑیوں کے بیانات پر ناخوش تھے ۔
واضح رہے کہ دو روز قبل محمد حفیظ نے محمد رضوان کے لیے ٹوئیٹ میں کہا تھا کہ میں حیران ہوں کہ تمہیں خود کو پاکستان کا نمبر ون وکٹ کیپر بیٹسمین ثابت کرنے میں مزید کتنا وقت لگے گا۔
Congratulations @iMRizwanPak on scoring T20 💯👏🏼👍🏼. U r a Star shining star 🌟 Wonder how long u need to prove that u r NO1 wicketkeeper/Batsman in pakistan in all formats of the game. Just asking 🙏🏽 pic.twitter.com/e5fSNIaCmN
— Mohammad Hafeez (@MHafeez22) February 11, 2021
جس پر سرفراز احمد نے رد عمل دیتے ہوئے جوابی ٹوئیٹ میں کہا تھا کہ حفیظ بھائی سبھی وکٹ کیپر امتیاز احمد، وسیم باری، تسلیم عارف ، سلیم یوسف ، معین خان، راشد لطیف ، کامران اکمل اور محمد رضوان ،جو جو بھی پاکستان کے لیے کھیلے،نمبر ون ہیں۔
We are all behind Rizwan and wish that he plays many more amazing innings for our beloved country.
— Sarfaraz Ahmed (@SarfarazA_54) February 12, 2021
دوسری جانب فاسٹ بولر محمد عامر بھی سابق کپتان سرفراز احمد کی حمایت میں سامنے آ گئے۔
محمد عامر نے ٹوئیٹ میں لکھا کہ بابو آپ بھی پاکستان کے نمبر ون وکٹ کیپر ہیں۔آپ کی کپتانی میں ٹی ٹوئنٹی ٹیم دو سال نمبر ون رہی اور چیمپئنز ٹرافی بھی جیتی۔
babu u also a number 1 wicketkeeper batsman in Pakistan or ap ki hi captain the jab team 2 saal team no 1 rhi in t20 or sab se bar kar champions trophy so u are pride of Pakistan big respect or maze ki bat logon kam hai awein ka bolna so enjoy bro😇😇😇😇
— Mohammad Amir (@iamamirofficial) February 13, 2021
محمد عامر نے مزیدلکھا کہ سرفراز احمد پاکستان کا فخر ہیں لوگوں کا کام فضول بولنا ہوتا ہے جس سے لطف اندوز ہونا چاہیے۔
اس ٹوئیٹ کے بعد محمد حفیظ نے ایک اور ٹوئیٹ کرتے ہوئے کہا کہ تنگ نظر اور شیلو مائنڈڈ سوچ بے نقاب ہوگئی۔
اس ٹوئیٹ میں ظاہری طور پر محمد حفیظ نے کسی کا نام نہیں لیا تاہم ان کا اشارہ غالباً سرفراز احمد اور محمد عامر کی جانب تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News