پاکستان کرکٹ بورڈ(پی سی سی) نے دورہ  دورہ جنوبی افریقہ کی تاریخوں کا اعلان کردیا۔

تفصیلات کے  مطابق  پاکستان کرکٹ بورڈ (پی سی بی ) نے اعلان کیا ہے کہ قومی کرکٹ ٹیم اپریل میں جنوبی افریقہ کا دورہ کرے گی۔ دورے میں 3 ایک روزہ اور 4 ٹی ٹوئنٹی انٹرنیشنل میچز کھیلے جائیں گے۔

دورے میں شامل تین ون ڈے انٹرنیشنل میچز آئی سی سی مینز کرکٹ ورلڈکپ سپر لیگ کا حصہ ہیں۔

قومی کرکٹ ٹیم 26 مارچ کو جوہانسبرگ روانہ ہوگی، جہاں 2، 4 اور 7 اپریل کو تین ون ڈے انٹرنیشنل میچز کھیلے جائیں گے۔سیریز کا پہلا اور تیسرا ون ڈے انٹرنیشنل میچ پریٹوریا جبکہ دوسرا ون ڈے میچ جوہانسبرگ میں کھیلا جائے گا۔

ون ڈے انٹرنیشنل سیریز کے بعد دونوں ٹیمیں ٹی ٹوئنٹی فارمیٹ میں مدمقابل آئیں گی۔

ابتدائی طور پر یہ سیریز تین  ٹی ٹوئنٹی انٹرنیشنل میچز پر مشتمل تھی تاہم کرکٹ جنوبی افریقہ کی درخواست پر اس سیریز میں ایک ٹی ٹوئنٹی انٹرنیشنل میچ کا اضافہ کردیا گیا ہے۔

PCB confirms Super League fixtures against South Africa

MORE: https://t.co/dnnuD4eokE #SAvPAK #HarHaalMainCricket pic.twitter.com/HEtsMWkjs1

— PCB Media (@TheRealPCBMedia) February 12, 2021

پہلے 2 ٹی ٹوئنٹی انٹرنیشنل میچز 10 اور 12 اپریل کو جوہانسبرگ جبکہ اگلے دونوں میچز پریٹوریا میں کھیلے جائیں گے۔

یہ آئی سی سی مینز کرکٹ ورلڈکپ سپر لیگ میں شامل  پاکستان کی دوسری سیریز ہے۔

پاکستان نے سپرلیگ میں شامل اپنی پہلی سیریز نومبر 2020 میں زمبابوے کے خلاف کھیلی تھی، جہاں پاکستان نے 1-2 سے کامیابی حاصل کی تھی۔

فی الحال قومی ٹیم ورلڈکپ سپر لیگ کے پوائنٹس ٹیبل پر پانچویں پوزیشن پر موجود ہے۔

اس کے برعکس جنوبی افریقہ کی یہ سپر لیگ میں پہلی سیریز ہے۔ 13 ٹیموں پر مشتمل اس لیگ میں ہر ملک کو 2 سالہ مدت میں 8 سیریز (4 ہوم اور 4 اوےسیریز)کھیلنی ہیں۔

ابتدائی طور پر پاکستان کو اکتوبر 2020 میں جنوبی افریقہ کا دورہ کرنا تھاتاہم کوویڈ 19 کی عالمی وباء کے باعث اسے ملتوی کرکے اب اپریل 2021 میں شیڈول کیا گیا ہے۔

دورہ جنوبی افریقہ کے بعد قومی کرکٹ ٹیم زمبابوے روانہ ہوگی، جہاں 2 ٹیسٹ اور 3 ٹی ٹوئنٹی انٹرنیشنل میچز پر مشتمل سیریز 17 اپریل سے شروع ہوگی۔

ون ڈے شیڈول:

2اپریل : پہلا ون ڈے انٹرنیشنل میچ؛ سپراسپورٹس پارک ، پریٹوریا

4اپریل: دوسرا ون ڈے انٹرنیشنل میچ ؛ وانڈررز اسٹیڈیم ، جوہانسبرگ

7اپریل : تیسرا ون ڈے انٹرنیشنل میچ ؛ سپراسپورٹس پارک ، پریٹوریا

ٹی ٹوئنٹی شیڈول:

10اپریل:پہلا ٹی ٹوئنٹی انٹرنیشنل میچ،  وانڈررز اسٹیڈیم ، جوہانسبرگ

12اپریل: دوسرا ٹی ٹوئنٹی انٹرنیشنل میچ،  وانڈررز اسٹیڈیم ، جوہانسبرگ

14 اپریل: تیسرا ٹی ٹوئنٹی انٹرنیشنل میچ، سپراسپورٹس پارک ، پریٹوریا

16 اپریل :چوتھا ٹی ٹوئنٹی انٹرنیشنل میچ، سپراسپورٹس پارک ، پریٹوریا