پاکستان سپر لیگ ( پی ایس ایل ) کے چھٹے سیزن کے لاہور میں شیڈول میچز کراچی منتقل کرنے پر غور کیا جارہا ہے۔
ذرائع کے مطابق کورونا کیسز کے باعث غیرملکی کھلاڑیوں نے تحفظات کا اظہار کیا ہے جس کی بناء پر پی ایس ایل کے لاہور میں شیڈول میچز کراچی منتقل کرنے پر غور کیا جارہا ہے۔
ذرائع کا کہنا ہے کہ بدھ کو کراچی کنگز کے تمام اراکین کے پی سی آر ٹیسٹ کے نتائج منفی آگئے ہیں۔
پی ایس ایل میں شریک 288 افراد کے کورونا ٹیسٹ کرائے گئے تھے جن میں سے 4 کے نتائج مثبت آئے ۔
بائیو سیکیور ببل میں موجود تمام اراکین کی اگلی کوویڈ ٹیسٹنگ کل ہوگی۔ مزید مثبت کیسز کی صورت میں تمام میچز ایک ہی گراؤنڈ میں کرانے کا حتمی فیصلہ کیا جائے گا۔
ذرائع کا کہنا ہے کہ پی ایس ایل انتظامیہ اور فرنچائز مالکان ہر صورت ٹورنامنٹ مکمل کرنے پر متفق ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News