معروف آسٹریلوی فاسٹ بولر ایرون سمرز کو بچوں سے جنسی زیادتی کے الزام میں گرفتار کرلیا گیا۔
کرکٹ نیوز ویب سائٹ (کرک انفو) کی رپورٹ کے مطابق فاسٹ بولر ایرون سمرز کو بچوں سے جنسی زیادتی کے الزام میں گرفتار کرکے عدالت میں پیش کردیا گیا ہے۔
آسٹریلوی پولیس نے ایرون سمرز کو سرچ وارنٹ دکھا کر حراست میں لیااور ان کا موبائل فون بھی اپنے قبضے میں لے لیا۔
پولیس حکام کا کہنا ہے کہ فاسٹ بولر کے موبائل سے 10 بچوں سے جنسی روابط رکھنے کے ثبوت بھی ملے ہیں ۔ ایرون سمرز کے موبائل میں بچوں کی نازیبا تصاویر کے ساتھ ساتھ جنسی زیادتی کی متعدد ویڈیوز بھی موجود ہیں۔
پولیس کی جانب سے ایرون سمرز پر بچوں سے جنسی زیادتی کا مواد اور جنسی روابط رکھنے کے علاوہ جنسی زیادتی کے لیے آمادہ کرنے کے الزامات عائد کیے گئے ہیں۔
واضح رہے کہ ایرون سمرز ’بگ بیش لیگ ‘، ’ملکی ون ڈے کپ ‘ میں کینگروز کی نمائندگی کرچکے ہیں تاہم انہیں اب تک عالمی سطح پر آسٹریلیا کی نمائندگی کا موقع نہیں ملا ہے ۔
اس کے علاوہ ایرون سمرز دنیا کے پہلے اور واحد غیر ملکی کھلاڑی ہیں جنہیں پاکستانی ڈومیسٹک کرکٹ کھیلنے کا اعزاز بھی حاصل ہے۔ انہوں نے وائٹ بال کرکٹ کے رواں سیزن میں سدرن پنجاب کی نمائندگی کی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News