لاہور: سابق چیف سلیکٹر انضمام الحق کا کہنا ہے کہ ویسٹ انڈیز کے خلاف سیریز میں نئے لوگوں کو بھی موقع ملنا چاہئیے۔
لاہور میں میڈیا سے گفتگو کرتے ہوئے قومی کرکٹ ٹیم کے سابق چیف سلیکٹر انضمام الحق کا کہنا تھا کہ اگر سینئرز ویسٹ انڈیز کے خلاف ہوم سیریز میں حصہ نہی لے رہے تو اس میں کوئی برائی نہیں۔
سابق چیف سلیکٹر کا کہنا تھا ویسٹ انڈیز کے خلاف ہوم سیریز میں نئے لوگوں کو بھی موقع ملنا چاہئیے اور پلیئرز کو بیک ٹو بیک کرکٹ کے بعد آرام ملنا چاہئیے۔
انضمام الحق کا کہنا تھا کہ پاکستان ٹیم کی بنگلادیش کے خلاف سیریز میں بہت اچھی پرفارمنس رہی ہے، اس سیریز میں حسن علی، شاہین آفریدی اور عابدعلی نے بہت اچھا پرفارم کیا ہے۔
انضمام الحق کا مزید کہنا تھا کہ ٹیسٹ میچ کے علاوہ قومی ٹیم کی ٹی ٹوئنٹی سیریز میں بھی بہت اچھی پرفارمنس رہی۔
واضح رہے کہ ویسٹ انڈیز کے دورہ پاکستان کے لیے ویسٹ انڈین کی ٹیم 9 دسمبر کو کراچی پہنچے گی جبکہ پاک ویسٹ انڈیز سیریز کے میچز 13 سے 22 دسمبر کے دوران کراچی میں کھیلے جائیں گے۔
یاد رہے کہ ویسٹ انڈیز کے دورہ پاکستان کے دوران 3 ٹی ٹوئنٹی اور 3 ون ڈے میچز شیڈول ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News