ویسٹ انڈیز نے دورہ پاکستان کے لئے ون ڈے اور ٹی ٹوئنٹی اسکواڈ کا اعلان کردیا ہے۔

ویسٹ انڈیز نے دورہ پاکستان کے لیے اسکواڈ کا اعلان کیا ہے جس میں کیرن پولارڈ کو 3 ٹی ٹونٹی اور 3 ون ڈے کی سیریز کے لئے کپتان مقرر کیا گیا ہے جبکہ نیکولس پورن ٹی ٹونٹی اور شائے ہوپ ون ڈے اسکواڈ کے نائب کپتان ہوں گے۔

ون ڈے اسکواڈ میں کپتان کیرون پولارڈ، نائب کپتان شائے ہوپ ، نکولس پورن، ڈیرن براوو،عقیل حسین، الزاری جوزف، گوداکیش موتی، اینڈرسن فلپس، شامار بروکس، روسٹن چیز، جسٹن گریوز ریمن رائیفر، روماریو شیفرڈ ، اوڈین اسمتھ اور ہیڈن والش شامل ہیں۔

ٹی ٹونٹی اسکواڈ میں کپتان کیرن پولارڈ، نائب کپتان نیکولس پورن، ڈیرن براوو، روسٹن چیز، شائے ہوپ، شیلڈن کوٹریل، ڈومنک ڈریکس، برینڈن کنگ، عقیل حسین، کائیل میئرز، گوداکیش، روماریو شیفرڈ، اوڈین اسمتھ، اوشین تھامس اور ہیڈن والش کو شامل کیا گیا ہے۔

واضح رہے کہ دورہ پاکستان کے لیے ویسٹ انڈین ٹیم 9 دسمبر کو کراچی پہنچے گی جبکہ پاک ویسٹ انڈیز سیریز کے میچز 13 سے 22 دسمبر کے درمیان کراچی میں ہی ہوں گے۔

دوسری جانب پی سی بی نے ویسٹ انڈیز کے خلاف ٹی ٹونٹی سیریز میں سینئر کھلاڑیوں کو آرام دینے کا فیصلہ کیا ہے جس میں سرفراز احمد، عماد وسیم، محمد حفیظ، اور شعیب ملک شامل ہیں۔

ذرائع کے مطابق چئیرمین پی سی بی رمیز راجا نے جونیئر کھلاڑیوں کو موقع دینے کی ہدایت کی ہے جس پر چیف سلیکٹر محمد  وسیم نے ٹیم کی تشکیل کے لیے مشاورت شروع کردی ہے۔