لاہور: پاکستان اور ویسٹ انڈیز کے درمیان ہوم سیریز کے لیے قومی اسکواڈ کا اعلان ایک دو روز میں متوقع ہے۔
نجی خبر رساں ادارے کی رپورٹ کے مطابق ویسٹ انڈیز کے خلاف ہوم سیریز کے لیے قومی اسکواڈ کا اعلان ایک دو روز میں متوقع ہے جس میں شعیب ملک اور محمد حفیظ کو شامل نہ کرنے کا فیصلہ کیا گیا ہے۔
رپورٹ کے مطابق وائٹ بال اسکواڈ میں شامل کھلاڑی 9 دسمبر کو کراچی میں اکٹھے ہوں گے اور ایک روز کی آئسولیشن اور کووڈ ٹیسٹنگ کے بعد ٹریننگ کا آغاز کریں گے جبکہ ویسٹ انڈیز کے خلاف سیریز میں سابق کپتان سرفراز احمد اور آل راونڈر عماد وسیم کو بھی آرام دیئے جانے کا امکان ہے۔
رپورٹ کے مطابق بعض مزید کھلاڑیوں کو آرام دینے اور روٹیشن پالیسی اپنانے کی تجویز بھی زیر غور ہے جبکہ فاسٹ بولر محمد حسنین کو ون ڈے سیریز میں کھلائے جانے کا امکان ہے۔
واضح رہے کہ ویسٹ انڈیز کے دورے پاکستان کے دوران تین ٹی ٹونٹی اور تین ون ڈے میچز کھیلے جائیں گے جبکہ پہلا ٹی ٹونٹی میچ 13 دسمبر کو کراچی میں کھیلا جائے گا۔
دوسری جانب دورہ پاکستان کے لیے ویسٹ انڈیز نے اسکواڈ کا اعلان کیا ہے جس میں کیرن پولارڈ کو ون ڈے اور ٹی ٹوئنٹی سیریز کا کپتان مقرر کیا گیا ہے جبکہ شائے ہوپ ون کو ون ڈے اور نیوکلس پورن کو ٹی ٹوئنٹی اسکواڈ کا نائب کپتان مقرر کیا ہے۔
علاوہ ازیں ویسٹ انڈیز کے ون ڈے اسکواڈ میں کپتان کیرون پولارڈ، نائب کپتان شائے ہوپ ، نکولس پورن، ڈیرن براوو،عقیل حسین، الزاری جوزف، گوداکیش موتی، اینڈرسن فلپس، شامار بروکس، روسٹن چیز، جسٹن گریوز ریمن رائیفر، روماریو شیفرڈ ، اوڈین اسمتھ اور ہیڈن والش شامل ہیں۔
ٹی ٹونٹی اسکواڈ میں کپتان کیرن پولارڈ، نائب کپتان نیکولس پورن، ڈیرن براوو، روسٹن چیز، شائے ہوپ، شیلڈن کوٹریل، ڈومنک ڈریکس، برینڈن کنگ، عقیل حسین، کائیل میئرز، گوداکیش، روماریو شیفرڈ، اوڈین اسمتھ، اوشین تھامس اور ہیڈن والش کو شامل کیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News