پاکستان کرکٹ ٹیم کے سابق کپتان اور ٹیسٹ کر کٹر محمد یوسف نے کہا ہے کہ پاکستان اور انڈیا کے درمیان میچز ہونے چاہیے۔

نیب کے زیر اہتمام الحمراء ہال میں تصویری نمایش میں شرکت کے بعد مایہ ناز کرکٹر محمد یوسف نے گفتگو کرتے ہوئے کہا کہ پاک بھارت کرکٹ مقابلہ دنیا کا سب سے بڑا مقابلہ ہوتا ہے اسلئے پاکستان اور انڈیا کے درمیان میچز ہونے چاہیے۔

کرکٹرمحمد یوسف کا کہنا تھا کہ سب ایمانداری سے کام کرینگے تو پاکستان کا فائدہ ہوگا، نیب کرپٹ عناصر کو پکڑ رہا ہے، کرپشن کا خاتمہ صرف نیب کی ذمہ داری نہیں بلکہ ہماری ذمہ داری بھی ہے۔

یہ بھی پڑھیں: ویسٹ انڈیز کرکٹ ٹیم کراچی پہنچ گئی

انہوں نے کہا کہ حالیہ دور میں پاکستان نے بہتری کرکٹ کھیلی ہے اور شائقین کے دل جیتے ہیں۔

انکا کہنا تھا کہ کرکٹ کی دنیا میں آج تک میں نے کچھ نہیں کیا، رمیز راجہ کے آنے سے چیزیں بہتر انداز میں چل رہی ہیں۔

یہ بھی پڑھیں : کپتان بابر اعظم کو اپنی ٹیم پر فخر

محمد یوسف نے مزید کہا کہ کرکٹ اکیڈمی میں بطور کوچ کام کررہا ہوں کرسی جانے کا خوف نہیں، ثقلین مشتاق کی کوچنگ میں پاکستان کی کرکٹ کی کارکردگی بہت بہتر ہوئی ہے، ثقلین مشتاق جیسا باؤلر پوری دنیا میں نہیں آیا ہے۔