لاہور: اسٹار کرکٹر شاہد خان آفریدی نیشنل ہائی پرفارمنس سینٹر پہنچ گئے ہیں۔

قومی کرکٹ ٹیم کے سابق کپتان اور اسٹار کرکٹر شاہد آفریدی لاہور پہہنچ گئے جبکہ اس موقع پر انہوں نے نیشنل ہائی پرفارمنس سینٹر کا بھی دورہ کیا جس دوران ان کی پرانی یادیں تازہ ہوگئیں۔

شاہد آفریدی عرصہ دراز کے بعد  نیشنل  کرکٹ اکیڈمی آکر مسرور ہوئے جبکہ اس موقع پر انہوں نے کہا کہ  نیشنل کرکٹ اکیڈمی (این س اے) کو اب نیشنل ہائی پرفارمنس سینٹر کا نام دیا جاچکا ہے۔

یہ بھی پڑھیں: نئے سال کی آمد کے موقع پر شاہد آفریدی اور فیصل قریشی کی عوام سے اپیل

شاہد آفریدی کا کہنا تھا کہ این سی اے کا دورہ کرکے پرانی یادیں تازہ ہو گئی ہیں، این سی اے میں عرصہ دراز کے بعد آیا ہوں، یادگار لمحات زہن میں آگئے۔

ان کا کہنا تھا کہ ایسی سہولیات پورے پاکستان میں ہونی چاہئیے، میں نے اجازت کے بغیر ٹریننگ سیشن کیا ہے۔ مجھے امید ہے کہ سب اوکے رہے گا۔

واضح رہے کہ اس سے قبل شاہد آفریدی کا مری واقعے پر بیان سامنے آیا تھا جس میں انہوں نے افسوس کا اظہار کرتے ہوئے کہا تھا کہ مری میں جو ہوا وہ انتہائی افسوس ناک ہے، قیمتی جانوں کا ضیاع ہوا، اللہ انکی مغفرت فرمائے۔

انہوں نے کہا تھا کہ انتظامیہ نے ناکافی انتظامات کیے جبکہ انہیں لوگوں کی آمد و رفت کو مانیٹر کرنے ضرورت تھی۔

ان کا کہنا تھا کہ موسم کی خراب صورتحال کے باعث عوام کو بھی اپنا رویہ تبدیل کرنے کی ضرورت ہے۔ الرٹ اور وارننگ کو سنجیدگی سے نہیں لیا جاتا، خدا ہم سب پر رحم کرے۔