بھارتی ٹینس اسٹار ثانیہ مرزا کو ریٹائرمنٹ کا اعلان کرنے کے بعد اپنے فیصلے پر افسوس ہورہا ہے۔
خبر رساں ادارے کے مطابق بھارتی ٹینس اسٹار اور پاکستانی کرکٹر شعیب ملک کی اہلیہ ثانیہ مرزا کا میڈیا سے گفتگو کرتے ہوئے کہنا تھا کہ مجھے لگ رہا ہے کہ میں نے ریٹائرمنٹ کا فیصلہ جلدی کرلیا ہے۔
ثانیہ مرزا کا کہنا تھا کہ ایمانداری سے کہوں تو اب احساس ہورہا ہے کہ شاید ریٹائرمنٹ کا اعلان میں جلدی کردی ہے جس پر افسوس ہے۔
یہ بھی پڑھیں: ثانیہ مرزا نے ٹینس کو خیرباد کہہ دیا
رپورٹ کے مطابق ان کا کہنا تھا کہ میں میچ جیتنے کے لیے ٹینس کھیل رہی ہوں اور جب تک میں کھیلوں گی یہی کوشش رہے گی کہ جیتتی رہوں، میرا اب بھی ٹینس کے بارے میں وہی خیال ہے کہ اپنا 100 فیصد دوں۔
انہوں نے کہا کہ مجھے اپنا ٹینس کیریئر ختم ہونے پر کچھ خاص خوشی نہیں ہے کیونکہ اس وقت مجھ سے ہر کوئی ریٹائرمنٹ کے حوالے ہی پوچھ رہا ہے۔
واضح رہے کہ ثانیہ مرزا کو آسٹریلین اوپن مکسڈ ڈبلز کے کوارٹر فائنل میں شکست ہوگئی ہے جبکہ انہوں نے مکسڈ ڈبلز مقابلوں کے دوسرے راؤنڈ میں میزبان ٹینس کھلاڑی ایلن پیریز اور ان کے ہالینڈ کے جوڑی دار مٹ وی مڈل کوپ کو شکست دی تھی۔
یہ بھی پڑھیں: ثانیہ مرزا آسٹریلین اوپن ٹینس مکسڈ ڈبلز کے کوارٹر فائنل میں پہنچ گئیں
خیال رہے کہ گذشتہ دنوں ثانیہ مرزا نے ٹینس سے ریٹائرمنٹ کا اعلان کیا تھا جبکہ انہوں نے یہ فیصلہ آسٹریلین اوپن خواتین کے مکسڈ ڈبل کے پہلے راؤنڈ میں شکست کے بعد کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News