کراچی: شاہد خان آفریدی نے شدید کمر کی تکلیف کے باعث بائیو سیکیور ببل سے باہر جانے کی درخواست کردی ہے۔
خبر رساں ادارے کے مطابق پی ایس ایل کے ساتویں ایڈیشن میں کوئٹہ گلیڈی ایٹرز کی نمائندگی کرنے والے شاہد خان آفریدی کو شدید کمر درد کی شکایت ہوئی ہے جس کے بعد انہوں نے ٹیم مینجمنٹ سے بائیو سیکیور ببل سے باہر جانے کی درخواست کی ہے۔
یاد رہے کہ گذشہ ایڈیشن پی ایس ایل 6 میں شاہد آفریدی ملتان سلطانز کی جانب سے کھیل رہے تھے جبکہ اس دوران بھی انہوں نے انجری کے باعث ٹیم سے سبکدوشی کا اعلان کیا تھا۔
دوسری جانب شاہد آفریدی اور ان کے ہونے والے داماد شاہین شاہ آفریدی کی گراؤنڈ میں موجود ایک ویڈیو سوشل میڈیا پر وائرل ہوئی ہے جس میں دونوں کو خوشگوار موڈ میں دیکھا جاسکتا ہے۔
اس ویڈیو کے وائرل ہونے کے بعد شائقین کرکٹ کی جانب سے بھی دلسچپ تبصرے دیکھنے کو ملے جبکہ صارفین نے خوشی کا اظہارکیا تھا۔
یہ بھی پڑھیں: پی ایس ایل 7: میچز کے لیے فول پروف سیکیورٹی پلان مرتب
واضح رہے کہ پی ایس ایل 7 کا آغاز کل سے کراچی کے نیشنل اسٹیڈٰم میں ہوگا جس کا پہلا میچ کراچی کنگز اور دفاعی چیمپئن ملتان سلطانز کے درمیان کھیلا جائے گا۔
ایونٹ کا پہلے مرحلے کے میچز 7 فروری تک کراچی میں ہی کھیلے جائیں گے جبکہ دوسرا مرحلے 10 فروری سے 27 فروری تک لاہور کے قذافی اسٹیڈٰیم میں کھیلا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News