قومی ٹیم کے بولر اور پی ایس ایل میں لاہور قلندرز کی نمائندگی کرنے والے حارث رؤف جنہوں نے اپنی صلاحیتوں کا لوہا منواکار قومی ٹیم میں جگہ بنائی آخر وہ اپنی کامیابی کا کریڈٹ کس کو دیتے ہیں جانتے ہیں۔
اپنی صلاحیتوں کو منواکر قومی ٹیم میں جگہ بنانے والے فاسٹ بولر حارث رؤف کا نجی رساں ادارے سے گفتگو کرتے ہوئے کہنا تھا کہ وہ آج بھی پیچھے مڑ کر دیکھتے ہیں کہ اگر وہ راولپنڈی سے گوجرانوالہ لاہور قلندرز کے ٹرائلز میں شرکت کے لیے نہیں آتے تو آج کہاں ہوتے؟۔
حارث رؤف کا کہنا تھا کہ اگر وہ ٹرائلز کے لیے نہ آتے تو شاید آج وہ کوئی سرکاری نوکری کرکے فیملی کو سیٹل کرنے کی سوچ رہے ہوتے جبکہ آج وہ اپنی کامیابی کا کریڈٹ لاہور قلندرز ہی کو دیتے ہیں۔
یہ بھی پڑھیں: حارث رؤف پی ایس ایل میں اپنی ٹیم کی جیت کیلئے پرامید
ان کا کہنا تھا کہ جس طرح تین سال لاہور قلندرز نے ان کی تقری میں کردار ادا کیا ہے وہ کوئی کبھی فراموش نہیں کیا جاسکتا، اس تمام سفر کی یادوں کو وہ ہمیشہ اپنے ساتھ رکھیں گے۔
انہون نے کہا کہ جب پہلی بار ٹرائلز پر آیا تو ہارڈ بال کا کوئی تجربہ نہیں تھا لیکن وقت کے ساتھ ساتھ کھیلتے ہوئے تجربہ حاصل کیا اور خود کو ہر میچ کے ساتھ بہتر اور جدید کرکٹ کے ساتھ ہم آہنگ کرنے کی کوشش کی۔
قومی فاسٹ بالر کا کہنا تھا کہ شاہین شاہ آفریدی بطور کپتان ان سے پلان شیئر کرتے ہیں کہ کس طرح میدان میں اترنا ہے۔ پی ایس ایل کی یہی سوچ ہے کہ خود پر بھروسہ کرنا ہے اور ایک دوسرے کو بیک کرنا ہے۔
یہ بھی پڑھیں: حارث رؤف نے منفرد انداز میں جشن منانے کی وجہ بتادی
حارث رؤف نے مزید کہا سال 2021 پاکستان کرکٹ کے لیے بہترین سال رہا ہر اس سال ہر کھلاڑی نے اچھا پرفارم کیا جبکہ آئی سی سی ایوارڈز ملنے سے سب کی حوصلہ افزائی ہوئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News