پاکستان کے لیجنڈری کرکٹر جاوید میانداد نے دوسرے کھلاڑیوں کو بابر اعظم سے سیکھنے کا مشورہ دیا ہے۔
پاکستان کے لیجنڈری کرکٹر اور سابق کپتان و کوچ جاوید میانداد نے بابراعظم کو کرکٹر آف دی ایئر کا اعزاز ملنے پر مبارکباد پیش کی ہے۔
جاوید میانداد کا کہنا تھا کہ بابراعظم دوسرے کھلاڑیوں کیلئے مثال ہیں، دوسرے کھلاڑیوں کو بھی بابراعظم سے سیکھنا چاہئیے۔
یہ بھی پڑھیں: بابر اعظم آئی سی سی ون ڈے کرکٹر آف دی ایئر قرار
ان کا کہنا تھا کہ بابراعظم کی ٹائمنگ بہت اچھی ہے، وہ آگے مزید ریکارڈ قائم کریں گے۔
واضح رہے کہ انٹرنیشنل کرکٹ کونسل (آئی سی سی) نے قومی ٹیم کے کپتان بابر اعظم کو سال 2021 کا ون ڈے کرکٹر آف دی ایئر قرار دیا ہے۔
بابر اعظم کو یہ اعزاز گذشتہ سال 6 میچز میں 67.50 کی اوسط سے 405 رنز بنانے پر ون ڈے کرکٹر آف دی ایئر قرار دیا گیا ہے۔
بابر اعظم نے جنوبی افریقہ کے خلاف تین میچز میں 228 رنز بنائے جبکہ پاکستان کے جیتنے والے دونوں میچزمیں بابر اعظم کو مین آف دی میچ قرار دیا گیا تھا۔
یہ بھی پڑھیں: رضوان سال کے بہترین آئی سی سی ٹی ٹوئنٹی کرکٹر قرار
بابر اعظم نے جنوبی افریقہ کے خلاف ایک میچ میں سنچری جبکہ دوسرے میچ میں 82 گیندوں 94 رنز اسکور کیے تھے۔
علاوہ ازیں بابر اعظم نے انگلینڈ کےخلاف تین میچز میں 177 رنزاسکور کیے تھے جبکہ اس سیریز میں پاکستان کو انگلینڈ کے ہاتھوں تین صفر سے شکست ہوئی تھی۔
واضح رہے کہ ون ڈے پلئیر آف دی ائیر کی نامزدگیوں کے لئے بابر اعظم کے علاوہ بنگلادیش کے شکیب الحسن، جنوبی افریقہ کے ینامن ملان اور آئرلینڈ کے پال اسٹرلنگ کو شامل کیا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News