سری لنکن بلے باز بھانوکا راجا پاکسا نے انتہائی مختصر کیرئیر کے بعد ہی  انٹرنیشنل کرکٹ سے ریٹائرمنٹ کا اعلان کردیا۔

تفصیلات کے مطابق  بھانوکا راجا پاکسا نے سری لنکا کرکٹ بورڈ   کو اپنے استعفیٰ ارسال کردیا ہے جس میں انہیں فوری ریٹائرمنٹ سے متعلق آگاہ کردیا گیا ہے۔

سری لنکن کرکٹ بورڈ کو  بھیجے گئے خط میں  30 سالہ راجا پاکسا نے قبل از وقت ریٹائرمنٹ کی وجہ خاندانی ذمہ داریوں کو قرار دیا ہے۔

انہوں نے اپنے استعفیٰ لکھا  کہ میں نے ایک کھلاڑی اور ایک شوہر کے طور پر اپنی پوزیشن پر بہت غور کیا ہے ۔میں مستقبل قریب میں بحیثیت والد اور اس سے منسلک خاندانی ذمہ داریوں کو دیکھتے ہوئے  ریٹائرمنٹ لے رہا ہوں۔

Advertisement

🚨 JUST IN: Sri Lanka batter retires from international cricket.

Details 👇 https://t.co/tOZ8FYb01I

— ICC (@ICC) January 5, 2022

یاد رہے کہ راجا پاکسانے 5 ون ڈے اور 18 ٹی ٹوئنٹی  انٹرنیشنل میچز میں سری لنکا کی نمائندگی کی ہے جس میں مجموعی طور پر 409  رنز بنائے۔

انہوں نے ٹی ٹوئنٹی انٹرنیشنلز میں 2 جبکہ ون ڈے میچز میں ایک نصف سنچری اسکور کر رکھی ہے۔

وہ سری لنکا کےآئی سی سی ٹی ٹوئنٹی ورلڈکپ 2021 کے اسکواڈ کا حصہ تھے  جہاں وہ آٹھ میچز میں 155 رنز کے ساتھ ٹورنامنٹ میں سب سے زیادہ رنز بنانے والے  سری لنکا کے  تیسرے بلے باز تھے۔