پاکستان نے کپتان بابراعظم اور امام الحق کی سنچریوں کی بدولت آسٹریلیا کو دوسرے ون ڈے میں شکست دے کر سیریز 1-1 سے برابر کردی۔
لاہور کے قذافی اسٹیڈیم میں کھیلے گئے دوسرے ایک روزہ میچ آسٹریلیا نے پہلے بیٹنگ کرتے ہوئے مقررہ 50 اوورز میں 8 وکٹ کے نقصان پر 348 رنز بنائے جس کے جواب میں قومی ٹیم نے مطلوبہ ہدف ایک اوور پہلے ہی 4 وکٹ کے نقصان پر پورا کرلیا۔
Celebrations from both Imam and Babar for the opener's special moment ❤️#PAKvAUS #BabarAzam #ImamulHaq pic.twitter.com/nnPMELByBQ
— CricWick (@CricWick) March 31, 2022
پاکستان کی جانب سے امام الحق اور فخرزمان نے ٹیم کا جارحانہ آغاز فراہم کیا اور 118 رنز کی اہم شراکت قائم ہوئی۔ فخرزمان نے 2 چھکوں اور 7 چوکوں کی مدد سے 64 رنز کی اننگز کھیلی جس کے بعد کپتان بابراعظم اور امام الحق کے درمیان میچ وننگ پارٹنرشپ قائم ہوئی۔
بابراعظم اور امام الحق کے درمیان بھی 111 رنز کی اہم شراکت قائم ہوئی اس دوران امام الحق نے مسلسل دوسری سنچری اسکور کرکے انٹرنشینل کرکٹ میں تیز ترین 9 سنچریاں بنانے کا ریکارڈ بھی قائم کردیا۔ وہ 106 رنز بنانے کے بعد پویلین واپس لوٹے ، ان کی اننگز میں 3 چھکے اور 6 چوکے شامل تھے۔
INTO THE RECORD BOOKS ✨
Imam-ul-Haq is the fastest to 9️⃣ ODI centuries! The previous-fastest Pakistan batter to the milestone was Babar Azam in 61 innings 😲#PAKvAUS pic.twitter.com/lxxW986nFo
Advertisement— CricWick (@CricWick) March 31, 2022
دوسری جانب کپتان بابراعظم نے بھی ذمہ داری کا ثبوت دیتے ہوئے 73 گیندوں پر سنچری اسکور کی اور وہ 114 رنز بنانے کے بعد آؤٹ ہوئے، ان کی اننگز میں ایک چھکا اور 11 چوکے شامل تھے جب کہ انہوں نے بھی اپنی اننگز میں کئی ریکارڈ قائم کیے۔
Babar Azam, what a hundred, what a player!
(via @TheRealPCB) #PAKvAUS pic.twitter.com/JI2GrmahNN
Advertisement— ESPNcricinfo (@ESPNcricinfo) March 31, 2022
بابراعظم نے کم سے کم اننگز میں 15 ون ڈے سنچری اسکور کرنے کاریکارڈ اپنے نام کرلیا۔ اس کے علاوہ وہ پاکستان کی جانب سے بطور کپتان سب سے زیادہ سنچریاں بنانے والے بلے باز بھی بن گئے ہیں جب کہ وہ آسٹریلیا کے خلاف سنچری بنانے والے واحد پاکستانی کپتان بھی بن گئے ہیں۔
Most Hundreds as Captain for Pakistan in ODIs:
𝐁𝐚𝐛𝐚𝐫 𝐀𝐳𝐚𝐦 𝟒
Azhar Ali 3
Inzamam-ul-Haq 2
Shahid Afridi 2 #BoysReadyHain l #PAKvAUS pic.twitter.com/VKf4cS0LgQAdvertisement— Pakistan Cricket (@TheRealPCB) March 31, 2022
آسٹریلیا کے خلاف پہلے میچ میں پاکستانی کپتان آسٹریلیا کے خلاف پہلے ون ڈے میچ میں تیز ترین 4 ہزار رنز بنانے والے ایشین کرکٹر بنے تھے۔
Babar Azam registers the highest score by a Pakistan captain vs Australia in ODIs. #BoysReadyHain l #PAKvAUS pic.twitter.com/PubSY7jpcv
— Pakistan Cricket (@TheRealPCB) March 31, 2022
اس سے قبل دوسرے ون ڈے میچ میں پاکستان نے ٹاس جیت کر آسٹریلیا کو پہلے بیٹنگ کرنے کی دعوت دی تو پہلے ہی اوور میں ایک کے مجموعی اسکور پر آسٹریلوی کپتان ایرون فنچ گولڈن ڈک پر پویلین لوٹ گئے۔
تاہم سنچورین بین میکڈرموٹ اور ٹریوس ہیڈ نے162 رنز کی شراکت قائم کرکے ٹیم کو مضبوط بنیاد فراہم کی۔ٹریوس ہیڈ 163 کے مجموعی اسکور پر 89 رنز بناکر زاہد محمود کا شکار بنے۔
آسٹریلیا کی تیسری وکٹ 237 کے مجموعی اسکور پر گری جب بین میکڈرموٹ 104 رنز بناکر محمد وسیم جونیئر کا شکار بنے۔ مارنس لبوشین 59 رنز بناکر خوشدل شاہ کی گیند پر سعود شکیل کو کیچ دے بیٹھے۔
🚨 Innings Break 🚨 #BoysReadyHain l #PAKvAUS pic.twitter.com/e7EQaCCT7R
Advertisement— Pakistan Cricket (@TheRealPCB) March 31, 2022
295 کے مجموعی اسکور پر ایلکس کیری اور 301 کے مجموعی اسکور پر کیمرون گرین 5،5 رنز بناکر آؤٹ ہوئے۔
آخری اوور میں مارکس اسٹوئنس 49 اور شان ایبٹ 28 رنز بناکر شاہین شاہ آفریدی کا شکار بنے۔
پاکستان کی جانب سے شاہین شا ہ آفریدی نے 4، محمد وسیم جونیئر نے 2 جب کہ زاہد محمود اور خوشدل شاہ نے ایک ایک وکٹ حاصل کی۔
قومی ٹیم میں آج کے میچ کے لیے ایک تبدیلی کی گئی تھی۔ شاہین شاہ آفرید کو حسن علی کی جگہ ٹیم میں شامل کیا گیا تھا۔
پاکستان ٹیم میں فخر زمان، امام الحق، بابر اعظم (کپتان)، محمد رضوان، سعود شکیل، خوشدل شاہ، افتخار احمد، شاہین شاہ آفریدی، محمد وسیم جونیئر ، زاہد محمود اور حارث رؤف شامل ہیں۔
🚨 TOSS UPDATE 🚨
Pakistan won the toss and elected to bowl. Here is our lineup for the second ODI.
📺 Watch Live: @darazpk #BoysReadyHain l #PAKvAUS pic.twitter.com/gLC1g7c9vu
— Pakistan Cricket (@TheRealPCB) March 31, 2022
دوسری جانب آسٹریلوی ٹیم میں کوئی تبدیلی نہیں کی گئی ہے۔
آسٹریلوی ٹیم میں ایرون فنچ(کپتان)، ٹریوس ہیڈ، بین میک ڈرموٹ، مارنس لبوشین ، مارکس اسٹوئنس، ایلکس کیری ، کیمرون گرین، شان ایبٹ، نیتھن ایلس، مچل سویپسن اور ایڈم زیمپاشامل ہیں۔
AUS XI: Aaron Finch*, Travis Head, Ben McDermott, Marnus Labuschagne, Marcus Stoinis, Alex Carey (wk), Cameron Green, Sean Abbott, Nathan Ellis, Mitchell Swepson, Adam Zampa
— cricket.com.au (@cricketcomau) March 31, 2022
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News