Advertisement
Advertisement
Advertisement
Advertisement

رنز کی برسات اور وکٹوں کی قحط کے ساتھ پنڈی ٹیسٹ بے نتیجہ ختم

Now Reading:

رنز کی برسات اور وکٹوں کی قحط کے ساتھ پنڈی ٹیسٹ بے نتیجہ ختم
رنز کی برسات اور وکٹوں کی قحط کے ساتھ پنڈی ٹیسٹ بے نتیجہ ختم

رنز کی برسات اور وکٹوں کی قحط کے ساتھ پنڈی ٹیسٹ بے نتیجہ ختم

راولپنڈی: پاکستان اور آسٹریلیا کی کرکٹ ٹیموں کے درمیان ہونے والا پہلا ٹیسٹ میچ بے نتیجہ ختم ہوگیا ہے۔

راولپنڈی کرکٹ اسٹیڈیم میں پاکستان اور آسٹریلیا کی کرکٹ ٹیموں کے درمیان کھیلا جانے والا ٹیسٹ سیریز کا پہلا میچ رنز کی برسات اور وکٹوں کی قحط کے ساتھ بے نتیجہ ختم ہوگیا ہے۔

پنڈی اسٹیڈیم کی پچ بولرز کے لیے قبرستان ثابت ہوئی جبکہ بلے بازوں کے لیے رنز کی جنت بن گئی، میچ میں مجموعی طور پر دونوں ٹیموں کی جانب سے 1187 رنز اسکور کیے گئے۔

یہ بھی پڑھیں: پنڈی ٹیسٹ کا چوتھا دن، میچ بے نتیجہ رہنے کا امکان

مجموعی طور پر دونوں ٹیموں کی اس میچ میں 14 وکٹیں گری، جس میں سے پاکستان کی دونوں اننگ میں صرف 4 وکٹیں گری تھیں۔

Advertisement

پنڈی ٹیسٹ کے پانچویں دن آسٹریلیا کی پوری ٹیم اپنی پہلی اننگ میں 459 رنز بناکر آؤٹ ہوگئی ہے جس کے بعد پاکستان نے اپنی دوسری اننگ کا آغاز کیا۔

پاکستان کی دوسری اننگ

دوسری اننگ میں پاکستانی اوپنر عبداللہ شفیق اور امام الحق گراؤنڈ پر اترے تو دونوں ہی کھلاڑیوں نے میچ کا اختتام کیا اور آسٹریلوی ٹیم کوئی بھی کھلاڑی آؤٹ نہ کرسکی۔

Advertisement

پاکستان کی جانب سے عبداللہ شفیق نے سنچری کے ساتھ 136 رنز اسکور کیے جس میں ان کے 15 چوکے اور چھکا شامل تھا۔

Advertisement

دوسری جانب اوپننگ ہینڈ پر موجود امام الحق نے بھی اس میچ میں دوسری سنچری اسکور کرتے ہوئے 111 رنز کی لمبی اننگ کھیلی، امام الحق نے 7 چوکے اور چھکے لگائے۔

https://twitter.com/TheRealPCB/status/1501149943012147201

پاکستان کی ٹیم اپنی دوسری اننگ میں میچ کے اختتام تک 252 رنز اسکور کرچکی تھی اور کوئی کھلاڑی آؤٹ نہیں ہوا تھا۔

آسٹریلیا کی پہلی اننگ

آج کے دن کے کھیل کا آغاز آسٹریلیا نے 7 وکٹوں کے نقصان پر 449 رنز سے کیا لیکن بقیہ کھلاڑی زیادہ دیر نہ ٹک سکے اور آسٹریلیا کی پوری ٹیم 459 رنز پر ہی ڈھیر ہوگئی۔

آسٹریلیا کی جانب سے پہلی اننگ میں سب سے زیادہ رنز عثمان خواجہ نے 97 رنز اسکور کیے ہیں جبکہ مارنس لبوشن 90 رنز بناکر آؤٹ ہوئے۔

Advertisement

یہ بھی پڑھیں: عثمان خواجہ پاکستانی شائقین سے ناراض ہو گئے

علاوہ ازیں آسٹریلیا کے کھلاڑی اسٹیو اسمتھ نے 78، ڈیوڈ وارنر 68 اور کمیرون گرین نے 48 رنز اسکور کیے ہیں۔

پاکستان کی جانب سے نعمان علی نے شاندار بولنگ کا مظاہرہ کیا اور آسٹریلیا کے 6 کھلاڑیوں کو پویلین کی راہ دکھائی جبکہ شاہین آفریدی نے 2 وکٹیں حاصل کی، ساجد خان اور نسیم شاہ ایک ایک کھلاڑی کو آؤٹ کرنے میں کامیاب رہے۔

Advertisement

پاکستان کی پہلی اننگ

اس سے قبل پاکستان ٹیم نے اپنی پہلی اننگ 476 رنز پر ڈکلیئر کردی تھی جبکہ پاکستان کی جانب سے اظہر علی نے 185 اور امام الحق نے 157 رنز کی بڑی اننگ کھیلی تھی۔

علاوہ ازیں پاکستان کی جانب سے عبداللہ شفیق 44 اور بابر اعظم 36 رنز بناکر آؤٹ ہوئے تھے جبکہ محمد رضوان 29 اور افتخار احمد 13 رنز کے ساتھ ناٹ آؤٹ رہے تھے۔

یہ بھی پڑھیں: پنڈی ٹیسٹ: محمد حفیظ کے بعد محمد عامر کی بھی فلیٹ وکٹ پر تنقید

آسٹریلیا کی جانب سے نتھن لیون، کپتان پیٹ کمنز اور مارنس لبوشن نے ایک ایک کھلاڑی کو آؤٹ کیا تھا۔

Advertisement

واضح رہے کہ پاکستان اور آسٹریلیا کے درمیان تین ٹیسٹ میچز پر مشتمل سیریز کھیلی جارہی ہے جس کا دوسرا ٹیسٹ 12 سے 16 مارچ کے دوران کراچی میں کھیلا جائے گا۔

سیریز میں شامل تیسرا اور آخری ٹیسٹ میچ لاہور کے قذافی اسٹیڈٰیم میں 21 سے 25 مارچ کے دوران کھیلا جائے گا۔

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
انگلینڈ نے ٹیسٹ کرکٹ کی تاریخ میں نیا ریکارڈ قائم کر دیا
پاکستان کے ارحم بن فرخ نے ٹیبل ٹینس ٹورنامنٹ میں گولڈ میڈل حاصل کرلیا
فرانسیسی اسٹار فٹبالر امباپے ریال میڈرڈ کا حصہ بن گئے
سری لنکن کرکٹر کو  گولی مارکر ہلاک کردیا گیا
ٹیسٹ اور ٹی ٹوئنٹی پلیئرر رینکنگ جاری، بابر اور شاہین شامل
پاکستان کا دورہ نیوزی لینڈ کے لیے شیڈول جاری
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر