سری لنکا کے دنیش چندیمل اور وکٹ کیپر بلے بازنروشن ڈکویلا نے بنگلا دیش کے میچ جیتنے کا خواب چکنا چور کردیا۔

چٹوگرام میں کھیلے گئے میچ میں مہمان ٹیم نے ٹاس جیت کر پہلے بیٹنگ کرتے ہوئے اینجلو میتھیوز(199) کی شاندار سنچری کی بدولت 397 رنز بنائے ۔

دنیش چندیمل 66 اور کوشال مینڈس  54 رنز بناکر دیگر نمایاں بلے باز رہے۔اوشادافرنانڈو 36 اور وشوا فرنانڈو 17 کے علاوہ کوئی دیگر کھلاڑی ڈبل فیگرز میں داخل نہ ہوسکا۔

بنگلا دیش کی جانب سے نعیم حسن نے 6، شکیب الحسن نے 3 اور تیج الاسلام نے ایک وکٹ حاصل کی۔

بنگلادیش نے اپنی پہلی اننگز میں تمیم اقبال (133) اور مشفق الرحیم (105) کی سنچریز کی بدولت 465 رنز بنائے۔لٹن داس 88 اور محمود الحسن جوئے 58 رنز بناکر دیگر نمایاں بلے باز رہے۔

The first #BANvSL Test has ended in a draw. Both teams get 4 points each in #WTC23 🏏

➡️ https://t.co/8eaPOC1Vu9 pic.twitter.com/2nqKJm4lQG

— ICC (@ICC) May 19, 2022

شکیب الحسن 26، تیج الاسلام 20 ، نعیم حسن 9، شورفل الاسلام 3، کپتان مومن الحق 2 اور نجم الحسن شنتو ایک رنز بناسکے۔

سری لنکا کی جانب سے کاسن راجیتھا نے 4 ، اشیتھا فرنانڈو نے 3 جبکہ لاستھ ایمبلدینیااور دھننجیا ڈی سلوا نے ایک ایک وکٹ حاصل کی۔

68 رنز کے خسارے میں جانے کے بعد سری لنکا پر اس وقت شکست کا خطرہ منڈلانے لگا جب صرف 93 رنز کی لیڈ پر اس کی چھی وکٹیں گر چکی تھیں۔

تاہم نروشن ڈکویلا اور دنیش چندیمل نے ٹیم کو سہارا دیا اور ساتویں وکٹ کے لیے 99 رنز کی ناقابل شکست شراکت قائم کرکے میچ کو ڈرا کردیا۔

 نروشن ڈکویلا 61 اور دنیش چندیمل39 رنز بناکر ناٹ آؤٹ رہے جبکہ کپتان دیموتھ کرونا رتنے 52 ، کوشال مینڈس 48 ، دھننجیا ڈی سلوا 33 ، لاستھ ایمبلدینیا 2 اور اینجلو میتھیوز بغیر کوئی رن بنائے آؤٹ ہوئے۔

بنگلا دیش کی جانب سے تیج الاسلام نے 4 اور شکیب الحسن نے ایک وکٹ حاصل کی۔

دونوں ٹیموں کے مابین سیریز کا دوسرا اور آخری ٹیسٹ میچ 23 مئی سے میرپور میں کھیلا جائے گا۔