ویلز نے ورلڈ کپ کوالیفائر میں یوکرین کو شکست دے کر 64 سال بعد ورلڈ کپ کے لیے کوالیفائی کرلیا ہے۔

فٹ بال ورلڈ کپ کوالیفائر میں گذشتہ روز ویلز کا مقابلہ یوکرین سے ہوا جس میں ویلز نے ایک گول سے کامیابی اپنے نام کی جبکہ میچ کا واحد گول 34 ویں منٹ میں ہوا۔

اسی کے ساتھ ہی ویلز نے 64 برس یعنی 1958 کے بعد پہلی مرتبہ ورلڈ کپ میں کوالیفائی کرلیا ہے جس کے بعد ورلڈ کپ میں ویلز کا مقابلہ گروپ بی کی ٹیمیں انگلینڈ، ایران اور امریکہ سے ہوگا۔

واضح رہے کہ فیفا ورلڈ کپ 2022 کے میچز قطر میں کھیلے جائیں گے جس کا افتتاحی میچ 21 نومبر کو میزبان ٹیم قطر اور ایکواڈور کے درمیان کھیلا جائے گا۔