سابق پاکستانی کرکٹر اور ٹیم کے موجودہ بیٹنگ کوچ محمد یوسف نے منفرد انداز کا مالک ننھا پرستار ڈھونڈ لیا ہے۔

تفصیلات کے مطابق محمد یوسف نے سماجی رابطے کی ویب سائٹ ٹویٹر پر اپنے جاری کردہ ایک بیان میں بتایا کہ انہوں نے منفرد بیٹنگ اسٹائل کی وجہ سے انٹرنیٹ پر وائرل ہونے والے ننھے پرستار سے ملاقات کرلی۔

دودن پہلےبچہ کی ویڈیوپوسٹ کی تھی،آپ سب کاشکریہ،آج اس سےملاقات ہوگئی،اس بچہ کی اتنی چھوٹی سی عمرمیں بیٹ سپیڈ،
hand eye coordination

Advertisement

اچھی تھی۔مگرہم نےاپنےبچوں کووہ چیزیں سکھانی کہ آگےچل کروہ ہرفارمیٹ کھیل سکے۔بچوں کی حوصلہ افزائی بہت ضروری ہے۔یہی بچے آگےچل کرملک کانام روشن کریں گے pic.twitter.com/j0kubg1WyO

— Mohammad Yousaf (@yousaf1788) August 9, 2022

انہوں نے ٹوئٹ کے ساتھ ایک ویڈیو بھی شیئر کی ہے جس میں دیکھا جاسکتا ہے کہ ننھے کرکٹر سمیت ان کے اہلِ خانہ محمد یوسف سے مل کر کافی خوش دکھائی دے رہے ہیں۔

سابق کرکٹر نے اس موقع پر بچے کو بیٹنگ کے بارے میں قیمتی ٹپس اور مشورے دیے۔

محمد یوسف کا اپنے ٹوئٹ میں کہنا تھا کہ دو دن پہلے بچے کی ویڈیو پوسٹ کی تھی، آپ سب کا شکریہ، آج اس سے ملاقات ہوگئی۔

انہوں نے کہا کہ اس بچے کی اتنی چھوٹی سی عمر میں بیٹ اسپیڈ، ہینڈ آئی کوآرڈینشن اچھی تھی، مگر ہم نے اپنے بچوں کو وہ چیزیں سکھانی ہیں کہ آگے چل کر وہ ہر فارمیٹ کھیل سکیں۔

سابق پاکستانی کرکٹر اور ٹیم کے موجودہ بیٹنگ کوچ محمد یوسف کا مزید کہنا تھا کہ بچوں کی حوصلہ افزائی بہت ضروری ہے، یہی بچے آگے چل کر ملک کا نام روشن کریں گے۔