پاکستان کرکٹ بورڈ( پی سی بی) نے انگلینڈ کے خلاف ہوم ٹیسٹ سیریز کے شیڈول کا اعلان کردیا۔

تفصیلات کے مطابق  پاکستان اور انگلینڈ کے مابین سیریز کا پہلا میچ یکم سے پانچ دسمبر تک راولپنڈی میں کھیلا جائے گا۔

سیریز کا دوسرا میچ 9   سے 13 دسمبر  تک ملتان میں  جبکہ  تیسرا ٹیسٹ  میچ 17 سے 21 دسمبر تک کراچی میں کھیلا جائے گا۔

انگلینڈ کی ٹیم 17 سال بعد پاکستان میں ٹیسٹ سیریز کھیلے گی۔

https://twitter.com/TheRealPCB/status/1561639372038049792

ڈائریکٹر انٹرنیشنل پی سی بی ذاکر خان کا کہنا ہے کہ انگلینڈ ٹیسٹ اسکواڈ کی17 سال بعد  ایک مرتبہ پھر پاکستان میں میزبانی کرنے پر بہت خوشی ہوگی۔

ان کا کہنا ہے کہ یہ سیریز دنیا بھر میں موجود کرکٹ کے دلدادہ ناظرین کی توقعات کے عین مطابق دلچسپ اور سنسنی خیز ہوگی۔

ای سی بی کے عبوری چیف ایگزیکٹو کلیئر کانر کا کہنا ہے کہ سال 2005 کے بعد انگلینڈ ٹیسٹ اسکواڈ کی پاکستان روانگی ایک تاریخی لمحہ ہے۔

انہوں نے کہا کہ ایک طویل عرصے بعد کرکٹ سے محبت کرنے والے پرجوش شائقین کرکٹ کے سامنے کھیلنے کا موقع ملنے پر بہت خوش ہیں۔

The schedule has been confirmed for our Men’s Test Tour of Pakistan 🏏

Advertisement

🇵🇰 #ENGvPAK 🏴󠁧󠁢󠁥󠁮󠁧󠁿

— England Cricket (@englandcricket) August 22, 2022

خیال رہے کہ ٹیسٹ سیریز سے قبل آئندہ ماہ ستمبر  میں انگلینڈ ٹیم 17 سال بعد پاکستان کے دورے پر آئے گی ۔اس دوران دونوں ٹیموں کے مابین سات  ٹی ٹوئنٹی میچز کھیلے جائیں گے۔