پاکستانی ایتھلیٹ ارشد ندیم نے کامن ویلتھ گیمز میں جولین تھرو میں گولڈ میڈل جیت لیا ہے۔
تفصیلات کے مطابق ارشد ندیم جولین تھرو میں گولڈ میڈل جیتنے والے پہلے پاکستانی بن گئے، پاکستانی ایتھلیٹ نے اپنی پانچویں باری میں 90.18 میٹر کی ریکارڈ تھرو کی۔
جویلین تھرو کے فائنل میں ارشد ندیم بھرپور ایکشن میں دکھائی دیئے اور پہلی باری میں ہی 86.81 میٹر کی ریکارڈ تھرو کی۔
فائنل میچ میں ارشد ندیم کی دوسری باری ضائع ہوگئی جبکہ اس دوران بھی پاکستانی ایتھلیٹ 86.81 کی تھرو کے ساتھ سرفہرست رہے۔
ارشد ندیم کی 90.18 میٹر تھرو کامن ویلتھ گیمز کا نیا ریکارڈ ہے جبکہ اس کے ساتھ ہی کامن ویلتھ گیمز میں پاکستان کے ارشد ندیم نے گولڈ میڈل جیت لیا۔
ارشد ندیم کے کیریئر کی یہ بہترین تھرو تھی اس سے قبل ارشد ندیم کی بہترین تھرو 86.38 میٹر تھی۔
خیال رہے کہ پاکستان نے 1966 کے بعد کامن ویلتھ گیمز ایتھلیٹکس میں گولڈ میڈل جیتا ہے۔
ارشد ندیم کے گھر میں جشن کا سماں
گولڈ میڈل جیتنے پر پاکستانی ایتھلیٹ ارشد ندیم کے گھر میں جشن کا سماں چھایا ہوا ہے۔
اہل خانہ کی جانب سے مٹھائیاں تقسیم کی گئی اور خوشی میں بھنگڑے ڈالے گئے، ارشد ندیم کے اہل خانہ خوشی سے نہال ہو گئے۔
ارشد ندیم کی بول نیوز سے گفتگو
پاکستان کیلئے گولڈ میڈل جیتنے والے ارشد ندیم نے برمنگھم میں بول نیوز سے گفتگو کرتے ہوئے کہا کہ پاکستانی قوم اس وقت بھی جاگ رہی ہے۔
انہوں نے کہا کہ مجھے گھر سے بتایا ہے کہ پوری پاکستانی قوم آپ کے لئے جاگ کر دعا کر رہی ہے، مجھے کہا گیا آپ نے ہمت نہیں ہارنی پاکستان کے لئے گولڈ میڈل جیتنا ہے، 14 اگست بھی آرہی ہے ہم ان میڈلز کے ساتھ جشن منائیں گے۔
’پوری دنیا میں پاکستان کا نام روشن کرینگے‘
ارشد ندیم نے کہا کہ ایتھلیٹ میں پاکستان کا یہ پہلا میڈل ہے، آگے جتنے کی ایونٹ آرہے ہیں بھرپور تیاری سے اس میں حصہ لوں گا۔
پاکستانی ایتھلیٹ نے مزید کہا کہ ابھی کچھ انجری ہے جس پر ڈاکٹر اور پوری ٹیم کام کررہی ہے، انشااللہ پوری دنیا میں پاکستان کا نام روشن کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News