قومی کرکٹ ٹیم کے کپتان بابر اعظم نے اعتراف کیا ہے کہ ایشیا کپ میں ہم نے ڈاٹ بال زیادہ کھیلیں۔
کراچی میں میڈیا سے گفتگو کرتے ہوئے قومی کرکٹ ٹیم کے کپتان بابر اعظم کا کہنا تھا کہ ہر میچ میں صورتحال مختلف ہوتی ہے ۔پچھلے 2 سال سے ہماری اوپننگ جوڑی کافی کامیاب رہی ہے، ہماری اوپننگ جوڑی سے پاکستان کو کافی فتوحات ملی ہیں۔
بابر اعظم نے کہا کہ اچھا کریں یا برا ، باتیں ہمیشہ ہوتی ہیں، برے وقت میں اپنے اوپر یقین رکھیں۔ ہم نے اسی بیٹنگ سے 200 بھی کیے اور چیز بھی کیے۔
انہوں نے کہا کہ میری اور رضوان کی یہی کوشش ہوتی ہے کہ میچ کو آگے لے کر جائیں۔ میرا اسٹرائیک ریٹ اوپر نیچے ہوتا رہتا ہے۔ عاقب جاوید کو لگتا ہے کہ میں سلو کھیلتا ہوں، ہم لوگوں کی نہیں سنتے ،باہر کی چیزیں باہر رہتی ہیں۔
قومی کپتان نے مزید کہا کہ اپنی پرفارمنس کی ٹینشن تھی لیکن مڈل آرڈر کے پرفارم کرنے کی خوشی بھی تھی۔
بابر اعظم نے کہا کہ یہ سیریز ہمارے لیے بہت اہم ہے۔بڑی سیریز ہے ، انگلینڈ کی ٹیم کافی عرصے بعد پاکستان آئی ہے۔
ان کا کہنا تھا کہ وکٹ نئی بنی ہے،شاہین آفریدی کی کمی محسوس ہوگی۔ اکتوبر کے پہلے ہفتے میں شاہین بولنگ شروع کریں گے۔
انہوں نے کہا سیلاب سے پاکستانی پریشان ہیں۔ ایشیاکپ کے ایک میچ کی فیس سیلاب متاثرین کو دیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News