پاکستان اور انگلینڈ کے درمیان تاریخی سیریز کا پہلا ٹی ٹوئنٹی میچ آج کراچی میں کھیلا جائے گا۔
تفصیلات کے مطابق 17 سال بعد پاکستان کے دورے پر آنے والی انگلینڈ کرکٹ ٹیم پہلے مرحلے میں 7 ٹی ٹوئنٹی میچز کھیلے گی۔
ابتدائی 4 میچز نیشنل اسٹیڈیم کراچی جبکہ آخری 3 میچز قذافی اسٹیڈیم لاہور میں کھیلے جائیں گے۔
دوسرے مرحلے میں انگلینڈ ٹیم رواں برس کے آخر میں دو ٹیسٹ میچز کی سیریز کھیلنے پاکستان آئے گی۔
واضح رہے کہ میچز کے لیے جامع سیکیورٹی پلان مرتب کرکے مجموعی طور پر 4 ہزار سے زائد پولیس اہلکار تعینات کیے گئے ہیں۔
دوسری جانب ٹریفک پولیس حکام کا کہنا ہے کہ حسن اسکوائر بجانب اسٹیڈیم برج کو ٹریفک کی آمدورفت کے لیے بند کردیا گیا ہے۔متبادل راستے پر ٹریفک کو حسن اسکوائر سے یوٹرن کرکے یونیورسٹی روڈ کی طرف بھیجا جارہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News