پاکستان اور انگلینڈ کی ٹیمیں ٹی ٹوئنٹی سیریز کے پانچویں میچ میں آج رات لاہور کے قذافی اسٹیڈیم میں مدمقابل ہوں گی۔

پاکستان اور انگلینڈ کی ٹیموں کے درمیان پہلے چار میچز کراچی کے نیشنل اسٹیڈیم میں کھیلے گئے جس میں دونوں ٹیموں نے دو دو میچز میں کامیابی حاصل کی۔

دریں اثناء پاکستان نے آج رات ہونے والے پانچویں ٹی ٹوئنٹی میچ کے لیے پلیئنگ الیون کا اعلان کردیا ہے جس میں نائب کپتان شاداب خان کی واپسی ہوئی ہے۔

آج کے میچ میں آل راؤنڈر عامر جمال ڈیبیو کررہے ہیں جب کہ حیدر علی کی بھی انجری کے بعد واپسی ہوئی ہے۔

علاوہ ازیں محمد حسنین، عثمان قادر اور خوشدل شاہ کو آج کے میچ میں ڈراپ کردیا گیا ہے۔

پاکستان پلیئنگ الیون

کپتانی کے فرائض بدستور بابر اعظم انجام دیں گے جب کہ دیگر اسکواڈ میں محمد رضوان، شان مسعود اور حیدر علی شامل ہیں۔

علاوہ ازیں افتخار احمد، آصف علی، شاداب خان (نائب کپتان)، محمد نواز، عامر جمال، محمد وسیم جونیئر اور حارث رؤف کو بھی اسکواڈ کا حصہ بنایا گیا ہے۔