بھارتی کرکٹ ٹیم کے کپتان روہت شرما وائیڈ بال نہ دیئے جانے پر امپائر سے ڈی آر ایس لینے کا مطالبہ کر دیا۔

تفصیلات کے مطابق یہ واقعہ جنوبی افریقہ اور بھارت کے مابین جاری تین ٹی ٹوئنٹی سیریز کے پہلے میچ کے دوران پیش آیا، روہت شرما امپائر کے فیصلے سے خوش نہیں تھے۔

روہت شرما کی قیادت میں بھارتی کرکٹ ٹیم آج جنوبی افریقہ کے خلاف گوہاٹی میں دوسرا ٹی ٹوئنٹی جیت کر جاری تین میچوں کی ٹی ٹوئنٹی سیریز پر ناقابل شکست کی مہر لگانا چاہے گی۔

میچ میں پروٹیز کپتان ٹیمبا باوما نے ٹاس جیت کر پہلے گیند بازی کا فیصلہ کیا۔ بھارتی ٹیم نے اپنی پلیئنگ الیون میں کوئی تبدیلی نہیں کی جبکہ جنوبی افریقہ نے لونگی نگیڈی کو لایا۔

بھارتی ٹیم کی جانب سے کے ایل راہول اور روہت شرما نے اننگ کا آغاز کیا۔

pic.twitter.com/4aMJAoZsqr

— Guess Karo (@KuchNahiUkhada) October 2, 2022

دوسرے اوور کی چوتھی گیند پر وین پارنیل نے لینتھ گیند پھینکی جو روہت شرما کی ٹانگ کے پاس سے گئی تاہم آن فیلڈ امپائر وریندر شرما نے وائیڈ کا اشارہ نہیں دیا۔

روہت اس کال سے خوش نہیں تھے، اور انہوں نے ریویو کا اشارہ دیا، اس اشارے کی وجہ سے کمنٹیٹر روی شاستری بھی شش و پنچ میں مبتلا ہو گئے کہ آیا امپائر کو ریویو لینا چاہیے یا نہیں۔

روہت شرما اور کے ایل راہول اچھی فارم میں تھے کیونکہ ان دونوں نے دوسرے T20I میں میزبان ٹیم کے لیے چھ اوورز کے اندر 57 رنز بنائے۔

 روہت کو آخر کار کیشو مہاراج نے آؤٹ کیا، لیکن بھارتی کپتان اس سے قبل 43 رنز بنا چکے تھے۔

میزبان بھارتی ٹیم نے جنوبی افریقہ کو 20 اوورز میں 106/8 تک محدود رکھنے کے بعد پہلا ٹی ٹوئنٹی میچ آرام سے جیت لیا تھا۔

اس کے بعد کے ایل راہول اور سوریا کمار یادو نے نصف سنچریاں بنا کر ٹیم  کو میچ میں کامیابی دلا دی۔