قومی ٹیم کے کپتان بابر اعظم کی پی ایس ایل سیزن 8 کے ڈرافٹ سے قبل کراچی کنگز سے راہیں جدا ہونے کا امکان ہے۔
پاکستان کے 28 سالہ نوجوان کپتان بابر اعظم نے پی ایس ایل 7 میں کراچی کنگز کی قیادت کی جب کہ ان کی کپتانی میں ٹیم آخری نمبر پر رہی اور دس میں سے صرف 2 ہی میچز جیتنے میں کامیاب رہی۔
کراچی کنگز کے ڈائریکٹر وسیم اکرم کی جانب سے پی ایس ایل 7 کے دوران بابر اعظم کو میدان کے اندر ڈاٹتے ہوئے دیکھا گیا تھا جب کہ انہوں نے جاری ٹی ٹوئنٹی ورلڈ کپ کے دوران بھی بابر اعظم کے فیصلوں کو کڑی تنقید کا نشانہ بنایا ہے۔
یہ بھی پڑھیں: پی ایس ایل 8؛ ڈرافٹنگ کے لیے غیر ملکی کھلاڑیوں کی رجسٹریشن کا آغاز
ذرائع کے مطابق بابر اعظم اب کراچی کنگز کی جانب سے کھیلنے میں دلچسپی نہیں رکھتے ہیں اور فرنچائز کو جلد ہی ایک نیا کپتان ڈھونڈنے کی ضرورت پڑسکتی ہے۔
واضح رہے کہ بابر اعظم پی ایس ایل سیزن 2 سے کراچی کنگز کا حصہ ہیں جب کہ 2020 میں انہوں نے ایونٹ جیتنے میں اہم کردار ادا کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News