پاکستان کے سابق کپتان وسیم اکرم نے بنگلہ دیش کرکٹ ٹیم کی ورلڈ کپ مٰں ناقص کارکردگی پر تنقید کا نشانہ بنایا۔

تفصیلات کے مطابق پاکستان کے سابق کپتان وسیم اکرم نے بنگلہ دیش کے بلے بازوں پر سخت تنقید کرتے ہوئے پاکستان کے خلاف ٹی ٹوئنٹی ورلڈ کپ کے میچ میں ان کے انداز کو تنقید کا نشانہ بنایا۔

بنگلہ دیش اور پاکستان کے درمیان کھیل دونوں فریقوں کے لیے جیتنا ضروری تھا، تاہم ناقص بلے بازی نے بنگلہ دیش کو صرف 127/8 تک ہی محدود رکھا، اور اس ہدف کا تعاقب پاکستان نے آرام سے کر لیا کیونکہ اس نے میچ پانچ وکٹوں پر اور 11 گیندیں باقی رہ کر جیت لیا۔

وسیم اکرم نے کہا کہ اگر وہ بنگلہ دیش کے کپتان یا کوچ ہوتے تو پوری ٹیم کو ماہر نفسیات سے ضرور ملواتے۔

پاکستان کے سابق کپتان نے نجم الحسن شانتو کے بیٹنگ اپروچ کو بھی تنقید کا نشانہ بنایا جنہوں نے 50 رنز بنانے کے بعد اپنی وکٹ کھو دی۔

لیجنڈ بولر نے ایک ٹی وی پروگرام میں کہا کہ بنگلہ دیش کو خود کو مورد الزام ٹھہرانا چاہیئے، اگر میں بنگلہ دیش ٹیم کا کپتان ہوتا یا بنگلہ دیش ٹیم کا کوچ تو میں اس بات کو یقینی بناتا کہ پوری ٹیم کو ماہر نفسیات سے ملواتا۔

سوئنگ کے سلطان نے کہا پاکستان کے خلاف میچ میں ایک موقع پر بنگلہ دیش 2 وکٹوں پر 73 رنز کی مضبوظ پوزیشن پر تھے اور میں نے سوچا کہ وہ 160 تک پہنچ جائیں گے۔

بنگلہ دیش کی کرکٹ ٹیم کے بارے میں مزید بات کرتے ہوئے اکرم نے کہا کہ بین الاقوامی سطح پر جب آپ دیکھتے ہیں کہ ایک خاص بولر باؤلنگ کرنے آ رہا ہے اور آپ جانتے ہیں کہ مخالف کپتان اسے وکٹ لینے کے لیے لے کر آیا ہے۔

اکرم کے مطابق ایسے بولر کے خلاف آپ شاٹ نہیں کھیلتے، آپ کوشش کرتے ہیں اور اس مخصوص اوور میں اسٹرائیک روٹیٹ کیا جاتا ہے لیکن بنگلہ دیش کے کھلاڑیوں نے اس بولر کے خلاف مارنے کا ارادہ کیا۔