انگلش ٹیم دسمبر میں بین اسٹوکس کی زیر قیادت پاکستان کا دورہ کررہی ہے جس کے لیے انہوں نے ذاتی شیف کی خدمات حاصل کرلی ہیں۔
رپورٹس کے مطابق انگلینڈ ٹیم دورہ پاکستان کے موقع پر اپنا شیف ساتھ لائے گی، شیف عمر میزان انگلینڈ ٹیم کے ہمراہ پاکستان آئیں گے۔
شیف عمر میزان 2018 کے فیفا ورلڈکپ اور یورو کپ میں انگلینڈ فٹبال ٹیم کے ساتھ سفر کرچکے ہیں جب کہ انگلینڈ کرکٹ ٹیم کی تاریخ میں پہلی بار شیف ساتھ سفر کرے گا۔
یہ بھی پڑھیں: انگلینڈ کیخلاف ٹیسٹ سیریز کیلئے قومی اسکواڈ کا اعلان
واضح رہے کہ گذشتہ ماہ انگلینڈ ٹیم نے 7 ٹی ٹوئنٹی انٹرنیشنل میچز کے لیے پاکستان کا دورہ کیا تھا جس دوران انہوں نے پاکستان میں کھانوں کی شکایت کی تھی۔
پچھلے ماہ چند کھلاڑیوں کے پیٹ بھی خراب ہوئے تھے جب کہ معین علی نے لاہور کے کھانوں کے معیار پر تحفظات کا اظہار بھی کیا تھا۔
یاد رہے کہ انگلینڈ ٹیم 27 نومبر کو تین ٹیسٹ میچز کے لئے پاکستان پہنچے گی، انگلینڈ ٹیم تین روزہ پریکٹس میچ کھیلنے کے لیے اس وقت ابو ظہبی پہنچ چکی۔
دونوں ممالک کے درمیان تین میچز پر مشتمل ٹیسٹ سیریز کا آغاز یکم دسمبر سے ہوگا جس کے میچز 21 دسمبر تک ملک کے مختلف شہروں میں کھیلے جائیں گے۔
پہلا ٹیسٹ یکم دسمبر سے 5 دسمبر کے دوران راولپنڈی میں کھیلا جائے گا جب کہ دوسرا 9 تا 13 دسمبر ملتان اور تیسرا 17 تا 21 دسمبر کے دوران کراچی میں شیڈول ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News